SR Kalyanamandapam Twitter Review: సినిమాపై ఆడియన్స్ టాక్.. ఖుషి, పోకిరి సీన్స్ అంటున్నారే..!
![](https://blogger.googleusercontent.com/img/b/R29vZ2xl/AVvXsEiznnF_dSNJNvA7yvMGlS2F8Mp5p3q7_b2yjJ-12wu0tJ_HB8Frugro8tY7agbK2o40802tzyVnkF7SLEmUEF0SRc3h4PFPyKfHtXXVQw_fa3WMWAne87UyT4uozsGJ74M24g_TnYYg4Wc/s320/Movie.jpg)
![](https://telugu.samayam.com/photo/85089240/photo-85089240.jpg)
గత కొన్ని నెలలుగా సినిమాలు లేక థియేటర్స్ వెలవెలబోతున్నాయి. ఇప్పుడిప్పుడే థియేటర్స్ గేట్లు తెరుచుకుంటుండగా దర్శక నిర్మాతలు తమ అదృష్టాన్ని పరీక్షించుకుంటున్నారు. తమ సినిమాపై పూర్తి నమ్మకంతో థియేటర్స్లో రిలీజ్ చేస్తున్నారు. అదేబాటలో వెళుతూ నేడు (ఆగస్టు 6) '' మూవీ ప్రేక్షకుల ముందుకు రాబోతోంది. అయితే ఇప్పటికే యూఎస్ షోస్, ప్రీమియర్స్ పడటంతో ఈ మూవీ చూసిన ఆడియన్స్ ట్విట్టర్ వేదికగా సినిమాపై అభిప్రాయలు చెబుతున్నారు. అందులో కొన్నింటిని తీసుకొని ఈ సినిమా ఎలా ఉందనే దానిపై ఓ లుక్కేద్దామా.. 'రాజావారు రాణివారు' సినిమాతో హీరోగా పరిచయమైన కిరణ్ అబ్బవరం లీడ్ రోల్లో 'SR కళ్యాణ మండపం' మూవీ ప్రేక్షకుల ముందుకొచ్చింది. ఎలైట్ ఎంటర్టైన్మెంట్స్ బ్యానర్పై రూపొందిన ఈ సినిమాకు శ్రీధర్ గాదే దర్శకత్వం వహించగా.. 'టాక్సీవాలా' బ్యూటీ ప్రియాంక జవల్కర్ హీరోయిన్గా నటించింది. డైలాగ్ కింగ్ సాయి కుమార్ కీలక పాత్ర పోషించారు. రొమాంటిక్ ఎంటర్టైనర్గా ఈ సినిమా రూపుదిద్దుకుందని టీజర్, ట్రైలర్ ద్వారా తెలిసింది. ఇక ఈ మూవీ ప్రీమియర్స్ తర్వాత ట్విట్టర్ రెస్పాన్స్ చూస్తే.. సినిమాకు మిక్స్డ్ టాక్ వచ్చినట్లుగా తెలుస్తోంది. చిత్రంలో సాయి కుమార్, కిరణ్ అబ్బవరం యాక్టింగ్ సీన్స్ హైలైట్ అయ్యాయని అంటున్నారు. ఇది ఎమోషనల్గా సాగే ఫ్యామిలీ డ్రామా అని చెబుతున్న ఆడియన్స్.. సినిమా నేరేషన్ కాస్త స్లోగా నడవడం అప్పుడప్పుడు బోర్ ఫీలింగ్ తెప్పించిందని చెబుతున్నారు. ఇక ఈ సినిమాలో ఖుషి మూవీ సీన్స్ ఉన్నాయని, సెకండాఫ్లో పోకిరి సీన్ అదిరిందని చెబుతుండటం ఆసక్తికర పాయింట్. ఇందులో పవన్ కళ్యాణ్ రెఫరెన్సు బాగా ఉందని టాక్ నడుస్తోంది. మరికొద్ది సేపట్లో మీ కోసం 'సమయం తెలుగు' పూర్తి రివ్యూ రాబోతోంది.
By August 06, 2021 at 08:23AM
No comments