Breaking News

Ram Gopal Varma: బన్నీయే రియల్ మెగాస్టార్.. మళ్ళీ గెలికిన రామ్ గోపాల్ వర్మ.. మెగా, అల్లు ఫ్యామిలీల మధ్య చిచ్చు!


మెగా ఇంట రెండు పండగలు ఒకే రోజు రావడంతో ఫ్యామిలీ మొత్తం చిరంజీవి ఇంటికి చేరుకొని సంబరాలు చేసుకున్నారు. కుటుంబమంతా కలిసి చిరంజీవి పుట్టినరోజుతో పాటు రాఖీ వేడుకను ఫుల్లుగా ఎంజాయ్ చేశారు. మెగా ఆడపడుచులతో పాటు రెండు తరాల హీరోలు చిరంజీవి, నాగబాబు, పవన్ కళ్యాణ్, రామ్ చరణ్, వరుణ్ తేజ్, సాయి ధరమ్ తేజ్, వైష్ణవ్ తేజ్ అంతా కలిసి తెగ సందడి చేశారు. ఆదివారం రోజు మెగా ఇల్లంతా సందడి సందడిగా కనిపించింది. కేక్ కట్ చేసి పార్టీ చేసుకోవడం, మెగా ఆడపడుచులు అన్నదమ్ముళ్లకు రాఖీలు కట్టడం జరిగింది. దీంతో ఇందుకు సంబంధించిన ఫొటోస్, వీడియోస్ సోషల్ మీడియాలో వైరల్ అయ్యాయి. ఇవన్నీ చూసి మెగా ఫ్యాన్స్ ఫిదా అయ్యారు. కానీ ఈ మెగా సంబరాల్లో కుటుంబం మాత్రం ఎక్కడా కనిపించకపోవడంతో జనాల్లో అనుమానాలు మొదలయ్యాయి. ఆయన ఎందుకు రాలేదా అని ఆరా తీయడం స్టార్ట్ చేశారు బన్నీ ఫ్యాన్స్. ఒకవేళ అల్లు అర్జున్ బిజీగా ఉన్నా కూడా ఆయన సతీమణి స్నేహ అయినా అటెండ్ కావాల్సింది కానీ ఎందుకు కాలేదు? అనే దానిపై జనాల్లో జోరుగా చర్చలు నడుస్తున్నాయి. ఇంతలో ''బన్నీయే రియల్ మెగాస్టార్'' అంటూ రంగంలోకి దిగడం సంచలనంగా మారింది. తనదైన శైలిలో ట్వీట్ వదిలిన వర్మ.. అల్లు అర్జున్‌ని పొగుడుతూ పవన్ కళ్యాణ్ సహా వరుణ్ తేజ్, రామ్ చరణ్ తేజ్, అల్లు శిరీష్, నిహారికలను తక్కువ స్థాయి వాళ్ళని పేర్కొన్నారు. బిగ్ సక్సెస్ అందుకున్న మెగాస్టార్ అండదండ వాళ్ళు కోరుకుంటున్నారన్నట్లుగా వర్మ చేసిన కామెంట్స్ మంట పుట్టించాయి. అంతటితో ఆగక కమెడియన్ అల్లు రామలింగయ్య ఫ్యామిలీలో మెగా వారసులందరితో పోల్చితే ఒక్క అల్లు అర్జున్ మాత్రమే రియల్ మెగా సక్సెస్ అందుకున్నారని వర్మ పేర్కొన్నారు. మెగా వేడుకలకు అటెండ్ కాకపోవడం అనేది అల్లు అర్జున్ తెలివితేటలకు నిదర్శనం అని, అతనే అసలైన సెల్ఫ్ మేడ్ స్టార్ అంటూ ఆర్జీవీ చేసిన కామెంట్స్ వైరల్ అవుతున్నాయి. దీంతో ఆయన చేసిన ఈ ట్వీట్లపై ఆన్ లైన్‌లో రచ్చ మొదలైంది. దీన్నిబట్టి చూస్తే.. ఎప్పుడూ మెగా ఫ్యామిలీపై వర్మ ఓ కన్నేసి ఉంచుతారనేది స్పష్టమవుతోంది కదూ!!.


By August 24, 2021 at 08:34AM


Read More https://telugu.samayam.com/telugu-movies/cinema-news/ram-gopal-varma-shocking-comments-on-allu-arjun-and-mega-family/articleshow/85582593.cms

No comments