Breaking News

భార్య న్యూడ్ వీడియో ఆన్‌లైన్‌లో పెట్టిన భర్త.. విషం తాగి మహిళ బలవన్మరణం


తన అభ్యంతరకరమైన వీడియోను సోషల్ మీడియాలో భర్త పోస్ట్ చేయడంతో తీవ్ర మనస్తానికి గురైన మహిళ బలవన్మరణానికి పాల్పడింది. మూడు నెలల కిందట ట్రిపుల్ తలాక్ చెప్పి భర్త విడాకులివ్వడంతో బాధితురాలు పుట్టింటికి వెళ్లిపోయింది. కొద్ది రోజుల కిందట ఆమెకు సంబంధించిన వీడియోను సోషల్ మీడియాలో పోస్ట్ చేశాడు. దీంతో ఆమె విషం తాగి తనువు చాలించింది. ఈ విషాదకర ఘటన ఉత్తర్ ప్రదేశ్‌లోని ముజఫర్‌నగర్ జిల్లా భోపా పోలీస్ స్టేషన్ పరిధిలోని కిషన్‌పూర్ గ్రామంలో శనివారం చోటుచేసుకుంది. భోపా స్టేషన్ అధికారి దీపక్ చతుర్వేది తెలిపిన వివరాల ప్రకారం.. దంపతులకు నాలుగేళ్ల కిందట వివాహం జరిగింది. వీరికి ఓ ఏడాదిన్న బాబు కూడా ఉన్నారని తెలిపారు. మూడు నెలల కిందట నిందితుడు ట్రిపుల్ తలాక్ చెప్పి భార్యకు విడాకులిచ్చాడని, దీంతో ఆమె తన కుమారుడ్ని తీసుకుని కిషన్‌పూర్‌లోని పుట్టింటికి వెళ్లిపోయిందని చెప్పారు. ఆగస్టు 18న బాధిత మహిళ పోలీసులకు ఫిర్యాదు చేసింది. తనకు తలాక్ ద్వారా విడాకులిచ్చిన భర్త.. బలవంతంగా నా కుమారుడ్ని తీసుకెళ్లిపోయాడని ఆరోపించింది. దీనిపై కేసు నమోదుచేసిన పోలీసులు.. దర్యాప్తు కొనసాగిస్తున్నారు. ఈ నేపథ్యంలో బాధితురాలికి చెందిన ఓ అభ్యంతరకరమైన వీడియో ఒకటి సోషల్ మీడియాలో దర్శనమిచ్చింది. పోలీసులకు ఫిర్యాదుచేసిందనే అక్కసుతో దీనిని భర్తే పోస్ట్ చేశాడు. దీంతో తీవ్ర ఆవేదన చెందిన ఆమె ఇంటిలోనే విషం తాగి ఆత్మహత్యాయత్నం చేసింది. అపస్మారక స్థితిలో ఉన్న బాధితురాలని కుటుంబసభ్యులు గమించిన ఆస్పత్రికి తీసుకెళ్లారు. అయితే, ఆమె అప్పటికే చనిపోయినట్టు వైద్యులు ధ్రువీకరించారు. కుటుంబసభ్యుల ఫిర్యాదు ఆధారంగా నిందితుడిపై వేధింపులు, గృహహింస తదితర సెక్షన్ల కింద కేసు నమోదు చేశారు. ప్రస్తుతం పరారీలో ఉన్న నిందితుడి కోసం గాలిస్తున్నారు. ముస్లిం మహిళ (వివాహ హక్కుల సంరక్షణ) చట్టం 2019 నిబంధనల ప్రకారం ముస్లిం మహిళకు ఒకేసారి ట్రిపుల్ తలాక్ చెప్పడం శిక్షార్హమైన నేరం. అలా చెబితే మూడేళ్ల జైలు శిక్ష, దానితోపాటు జరిమానా కూడా విధిస్తారు.


By August 30, 2021 at 10:29AM


Read More https://telugu.samayam.com/latest-news/crime/wife-ends-life-as-husband-circulates-obscene-video-after-triple-talaq/articleshow/85757528.cms

No comments