సర్కారు వారి పాట బర్త్ డే బ్లాస్టర్: ఫ్యాన్స్‌కి విజువల్ ట్రీట్.. పూనకాలే! దిష్టి తీయాల్సిందే..
సినీ వారసుడే కానీ రాజసం ఉట్టిపడే 'రాజకుమారుడు', దూకుడుగా వ్యవహరించే 'టక్కరి దొంగ', పేదోడి హృదయాన్ని గెలుచుకుంటూ ఆపన్న హస్తంగా ఉంటున్న 'శ్రీమంతుడు'.. అడ్డొస్తే 'సరిలేరు నీకెవ్వరు' అనేలా దూసుకెళ్లే 'ఒక్కడు'. అతడే సూపర్ స్టార్ మహేష్ బాబు. నేడు (ఆగస్టు 9) పుట్టినరోజు. ఈ సందర్భంగా ఆయనకు సోషల్ మీడియాలో బర్త్ డే విషెస్ వెల్లువెత్తుతుండగా.. ఆయన లేటెస్ట్ మూవీ '' నుంచి అభిమానులకు అదిరిపోయే ట్రీట్ ఇచ్చారు మేకర్స్. ‘సర్కారు వారి పాట’ చిత్రం నుంచి బర్త్ డే బ్లాస్టర్ రిలీజ్ చేశారు. నిజానికి ఆగస్టు 9న ఉదయం 9 గంటల 9 నిమిషాలకు 'సర్కారు వారి పాట' టీజర్‌ రిలీజ్ చేస్తామని ప్రకటించిన చిత్రయూనిట్.. అందుకు కొద్ది గంటలకు ముందే సర్‌ప్రైజ్ చేశారు. సర్కారు వారి పాట బ్లాస్టర్ అంటూ అర్థరాత్రి 12 గంటలకే ఈ వీడియో విడుదల చేసి ఫ్యాన్స్‌కి పూనకాలు తెప్పించారు. ఒక నిమిషం 16 సెకనుల నిడివితో కూడిన ఈ వీడియో మహేష్ అభిమానులకు విజువల్ ట్రీట్ ఇచ్చిందని చెప్పుకోవచ్చు. ఇందు మూలంగా యావన్ మంది ప్రజానీకానికి తెలియజేయునది ఏమనగా అంటూ ఎంట్రీ ఇచ్చిన మహేష్ బాబు.. లుక్కుతో అట్రాక్ట్ చేస్తూనే శత్రుమూకలను చితకొట్టేశారు. ''ఇఫ్ టైగర్ టేక్స్ రాబిట్, ఇఫ్ యూ మిస్ ద ఇంట్రస్ట్.. యువిల్ గెట్ యువర్ డేట్'' అంటూ మహేష్ చెప్పిన డైలాగ్స్ హైలైట్ అయ్యాయి. యాక్షన్స్ సీన్స్‌కి హీరోయిన్ గ్లామర్ యాడ్ చేసి మొత్తంగా ఈ వీడియోను విజువల్ వండర్ అనేలా కట్ చేశారు డైరెక్టర్ పరశురామ్. ‘సార్‌ పడుకునే ముందు ప్రతి రోజూ దిష్టి తీయడం మాత్రం మర్చిపోకండి’ అంటూ మహేశ్‌ అందం గురించి కీర్తి సురేష్ చెప్పే డైలాగ్, చివరగా హీరోయిన్ జడలో మల్లెపూలు చూసి మహేష్ రొమాంటిక్ యాంగిల్ బయటపెడుతూ చెప్పిన డైలాగ్ 'సూపర్' అనిపించాయి. బ్యాంకింగ్ నేపథ్యంలో రూపొందుతున్న ఈ సర్కారు వారి పాట సినిమాను మైత్రి మూవీ మేకర్స్, 14 రీల్స్ ప్లస్, జి.మహేష్ బాబు ఎంటర్‌టైన్‌మెంట్ సంయుక్తంగా నిర్మిస్తున్నాయి. 2022 సంక్రాంతికి థియేటర్లలో విడుదల కానున్న ఈ మూవీపై సూపర్ స్టార్ ఫ్యాన్స్ పెట్టుకున్న అంచనాలు మాటల్లో చెప్పలేం. ఎప్పుడెప్పుడు సినిమా చూడాలా అనే కుతూహలం మహేష్ ఫ్యాన్స్ అందరిలో కనిపిస్తోంది.
By August 09, 2021 at 07:35AM
No comments