Breaking News

అప్పుడు ఇప్పుడు: చిన్న సినిమానే అయినా డేరింగ్ డిసీజన్..! దిగ్గజ దర్శకుల సపోర్ట్‌తో..


కరోనా తెచ్చిన తంటాతో సినీ ఇండస్ట్రీపై ఆధారపడిన అన్ని రంగాలు బోసిపోయాయి. మరీ ముఖ్యంగా థియేటర్స్ అయితే దాదాపు రెండేళ్ల వెలవెలబోయాయి. తిరిగి ఇప్పుడిప్పుడే థియేటర్స్ ఓపెన్ అవుతున్నా ప్రేక్షకుల ఆదరణ ఎలా ఉంటుందో అని కొత్త సినిమాలు రిలీజ్ చేసేందుకు సందేహ పడుతున్నారు బడా దర్శకనిర్మాతలు. అయితే ఇలాంటి పరిస్థితుల్లో కూడా తమ సినిమాపై ఉన్న నమ్మకంతో '' చిత్రయూనిట్ రిలీజ్‌కి రెడీ అయింది. సుజన్, హీరో హీరోయిన్లుగా యు.కె.ఫిలింస్ బేనర్ పై ఉషారాణి కనుమూరి, విజయ రామకృష్ణం రాజు నిర్మాత‌లుగా చలపతి పువ్వల దర్శకత్వంలో తెరకెక్కుతోన్న చిత్రం `అప్పుడు-ఇప్పుడు`. శివాజీరాజా, పేరుపు రెడ్డి శ్రీనివాస్, చైతన్య ముఖ్య పాత్రల్లొ నటిస్తున్నారు. ఫీల్ గుడ్ కామెడీ ఎంటర్‌టైనర్‌గా రూపొందిన ఈ చిత్రం అన్ని కార్యక్రమాలు పూర్తి చేసుకుని విడుదలకు సిద్ధంగా ఉంది. ఈ సినిమా నుంచి ఇటీవల దర్శకేంద్రుడు కె. రాఘవేంద్రరావు విడుదల చేసిన పాటకు, డాషింగ్ డైరెక్టర్ పూరి జగన్నాథ్ విడుదల చేసిన టీజర్‌కి మంచి స్పందన రావడంతో.. ఈ మూవీని సెప్టెంబర్ 3న విడుదల చేస్తున్నట్లుగా ప్రకటించారు మేకర్స్. పూరి జగన్నాథ్, శ్రీకాంత్, సునీల్ ఇలా వీరంతా తమ సినిమాకు మంచి సపోర్ట్ అందించారని, ఈ టీజర్‌తో అభిమానుల్లో కానీ అటు ట్రేడ్ వర్గాల్లో కానీ మంచి బజ్ ఏర్పడిందని చిత్ర నిర్మాతలు అన్నారు. ఇదో ఒక ఫీల్ గుడ్ కామెడీ ఎంటర్‌టైనర్. హీరో హీరోయిన్లు కొత్తవారే అయినా పూర్తి సహకారం అందించారు. మేకింగ్‌లో ఎక్కడా రాజీప‌డ‌కుండా ఈ చిత్రాన్ని తెర‌కెక్కించాం, పద్మనావ్ భరద్వాజ్ సంగీతం ఈ సినిమాకు మేజర్ అసెట్ అవుతుందని దర్శకుడు చలపతి పువ్వల అన్నారు.


By August 29, 2021 at 10:19AM


Read More https://telugu.samayam.com/telugu-movies/cinema-news/low-budget-movie-appudu-ippudu-release-date-fix/articleshow/85731716.cms

No comments