ఇంట్లో ఒక్కదాన్నే ఉంటున్నా.. ఇక నాకు అదే పని : రష్మిక మందన్నా
సోషల్ మీడియాలో చేసే అల్లరికి అభిమానులు ఫిదా అవుతుంటారు. ఇక అమె షేర్ చేసే ఫోటోలు, వీడియోలు నెట్టింట్లో తెగ వైరల్ అవుతుంటాయి. ఈ మధ్య ఆమె ఒక పని చేస్తున్నారు. నిత్యం తానేమీ చేశానో అభిమానులకు క్లియర్‌ కట్‌గా చెబుతున్నారు. ఓ రకంగా తన డైరీని సోషల్ మీడియాలో పెడుతున్నారు. పొద్దున లేచిన దగ్గరి నుంచి రాత్రి పడుకునే వరకు ఏమేం చేస్తుంటారో అలా చెప్పుకుంటూ వెళ్తారు. అయితే అందులో ఎక్కువగా తన పెట్ ఆరా గురించి ఉంటుంది. తాజాగా రష్మిక పోస్ట్ చేసిన తన డైరీలోనూ అదే ఉంది. ప్రస్తుతం రష్మిక పలు సినిమా షూటింగ్‌లతో బిజీగా ఉన్నారు. బాలీవుడ్, టాలీవుడ్ అంటూ అటూ ఇటూ తిరుగుతున్నారు. ఒక రోజు ముంబైలోఉంటే మరో రోజు హైద్రాబాద్‌లో ఉంటున్నారు. అలా తెలుగులో , ఆడాళ్లు మీకు జోహార్లు అనే సినిమాతో బిజీగా ఉన్నారు. బాలీవుడ్‌లో మరో రెండు ప్రాజెక్ట్‌లు సెట్స్ మీదున్నాయి. మొత్తానికి అంత బిజీగా ఉన్న రష్మిక ఇప్పుడు కాస్త రెస్ట్ తీసుకుంటున్నట్టు కనిపిస్తోంది. తాజాగా తాను షూటింగ్‌లు ఏం లేక ఇంట్లోనే ఒంటరిగా ఉంటున్నట్టు తెలుస్తోంది. ఈ మేరకు తన డైరీలో చెప్పుకొచ్చిన విశేషాలు అందరినీ ఆకట్టుకుంటున్నాయి. జూలై 29వ తారీఖున తానేం చేసిందో రష్మిక చెప్పుకొచ్చారు. పొద్దున్నే లేచాను.. తిన్నాను.. టీవీ చూశాను.. మళ్లీ తిన్నాను.. ఆరాతో ఆడుకున్నాను.. మళ్లీ తిన్నాను.. పడుకున్నాను. ప్రతీ రోజూలానే ఈ రోజు కూడా చేసేశాను. నవ్వుకోవడానికి నాకు నేను చాలు. అయితే ఇంట్లో నేను ఒక్క దాన్నే ఉంటున్నా కూడా నా హెయిర్ బ్యాండ్ మిస్ అవుతూనే ఉంది. ప్రపంచంలో అందరూ ఇలానే ఉంటారా? అని ఆశ్చర్యపోతుంటాను. ఈ ఏడాదిలో నేను బాధపడుతున్న విషయం అదే.. ఎప్పుడూ అది ఎక్కడ మిస్ అయిందా? అని ఇళ్లంతా చూస్తుంటాను. కానీ అది ఆరా పని అనుకుంటున్నాను’ అని రష్మిక చెప్పుకొచ్చారు.
By July 31, 2021 at 09:53AM
No comments