Breaking News

ప్రత్యర్థులకు చిక్కడంతో.. తనను తాను పేల్చుకుని ఉగ్రవాద నేత సూసైడ్


బోకోహరమ్ ఉగ్రవాద నేత అబుబాకర్ షేకావు తనను తాను పేల్చుకుని చనిపోయినట్టు అంతర్జాతీయ మీడియా తెలిపింది. రెండు వారాల కిందట ప్రత్యర్థులతో జరిగిన ఘర్షణలో అబుబాకర్ ఆత్మార్పణం చేసుకున్నట్టు రాయిటర్స్ వెల్లడించింది. బాంబులతో తనను తాను చంపుకున్నాడని ప్రత్యర్ధి వర్గం ఇస్లామిక్ స్టేట్ వెస్ట్ ఆఫ్రికా ప్రావిన్స్ (ఐఎస్‌డబ్ల్యూఏపీ) నేత అబూ ముసాబబ్ అల్-బర్నావీ తెలిపారు. ఆత్మార్పణానికి ముందు ‘అబూబకర్ షెకావు తనను దేవుడు స్వర్గానికి చేరుకోవాలని తీర్పు ఇచ్చాడు’ అని అన్నట్టు పేర్కొన్నారు. అయితే, తమ నేత మరణంపై బోకోహరమ్ సంస్థ ఇప్పటి వరకూ ఎటువంటి అధికారిక ప్రకటన చేయలేదు. అయితే, దీనిపై దర్యాప్తు చేస్తామని నైజీరియా ఆర్మీ ప్రకటించింది. నైజీరియాలో దశాబ్ద కాలానికిపైగా బోకోహరమ్ సంస్థ ఉగ్రవాద కార్యకలాపాలను కొనసాగిస్తోంది. సాంబిసా అడవిలోని బోకోహరామ్ స్థావరానికి తమ సాయుధులు ఎలా చేరుకుని, షెకావును మట్టుబెట్టారనేది బర్నావీ ఆడియోలో వివరించారు. ‘సాంబిసా అడివిలో తన ఇంటి లోపల కూర్చొన్న ఉన్న షెకావు.. అగ్నిమాపక చర్యలో నిమగ్నమయ్యాడు. తమ సాయుధులు వెళ్లేసరికి అక్కడి నుంచి తప్పించుకుని వెళ్లాడు.. అనంతరం ఐదు రోజులు పొదల్లో తిరిగాడు. ఏదేమైనా అతడి గుర్తించటానికి ముందే తమ అనుచరుల వెతుకుతూ, వేటాడుతూనే ఉన్నారు’’ అని పేర్కొన్నాడు. ‘ఓ పొదలో ఉన్నట్టు గుర్తించిన సాయుధులు.. తొలుత అతడు సహా అనుచరులను లొంగిపోవాలని విజ్ఞ‌ప్తి చేశారు.. కానీ, నిరాకరించిన షేకావు తనను పేల్చుకుని చనిపోయాడు’అని బర్నావీ అన్నారు. ‘మేము చాలా సంతోషంగా ఉన్నాం.. షెకావు తీవ్ర ఉగ్రవాద చర్యలు.. దారుణాలకు పాల్పడిన వ్యక్తి’ అని వ్యాఖ్యానించారు. మే 18న ఈ ఘటన జరిగినట్టు తెలుస్తోంది.


By June 07, 2021 at 09:29AM


Read More https://telugu.samayam.com/latest-news/international-news/boko-haram-leader-abubakar-shekau-killed-himself-says-islamic-state-west-african-province/articleshow/83298782.cms

No comments