Breaking News

ప్రిన్స్ హ్యారీ దంపతులకు పండంటి పాపాయి.. ఆ ఇద్దరు పేర్లూ కలిసొచ్చేలా నామకరణం!


బ్రిటన్ రాజకుటుంబం నుంచి విడిపోయిన యువరాజు హ్యారీ, మేఘన్ దంపతలు శుక్రవారం పండంటి పాపకు జన్మనిచ్చారు. ఆ పాపకు నాయినమ్మ ఎలిజిబెత్ రాణి, తల్లి డయానాల పేరు కలిసొచ్చేలా ‘లిలిబెట్ డయానా’అని నామకరణం చేశారు. ‘లిలిబెట్ లిలి డయానా మౌంట్‌బాటెన్-విండ్సర్’ కాలిఫోర్నియాలోని శాంటా బార్బరా కాటేజ్ ఆస్పత్రిలో శుక్రవారం జన్మించినట్టు హ్యారీ ప్రతినిధి వెల్లడించారు. వీరికి 2019లో తొలి సంతానంగా ఆర్చీ పుట్టిన విషయం తెలిసిందే. ‘‘జూన్ 4న పండంటి అమ్మాయి పుట్టింది.. ‘లిలి’మేం ఊహించిన దానికంటే ఎక్కువ.. ప్రపంచవ్యాప్తంగా మమ్మల్ని అభిమానించి, ప్రేమించిన ప్రతి ఒక్కరికీ కృతజ్ఞతలు తెలుపుతున్నాం..ఈ ప్రత్యేక సమయంలో మా కుటుంబానికి నిరంతర మద్దతుగా నిలిచినందుకు ధన్యవాదాలు.. తల్లీ బిడ్డ ఇద్దరూ ఆరోగ్యంగా ఉన్నారు.. ఇంటికి చేరుకున్నాం ’’ అంటూ హ్యారీ, మేఘన్ ఓ ప్రకటనలో తెలిపారు. ఎలిజిబెత్ రాణి చిన్ననాటి ముద్దుపేరు ‘లిలిబెట్’. రాజకుటుంబం నుంచి బయటకు వచ్చినా రక్త సంబంధం మాత్రం విడిపోదనడానికి ఇదే నిదర్శనం. ఇటీవలే బ్రిటన్ రాణి భర్త ప్రిన్స్ ఫిలిప్ కన్నుమూయగా.. ఆయన అంత్యక్రియలకు హ్యారీ హాజరయ్యారు. హ్యారీ తల్లి ప్రిన్స్ డయానా 1997లో జరిగిన రోడ్డు ప్రమాదంలో ప్రాణాలు కోల్పోయిన విషయం తెలిసిందే. రాజకుటుంబం నుంచి బయటకు వచ్చిన తర్వాత ఓప్రా విన్‌ఫ్రే‌కు ఇచ్చిన ఇంటర్వ్యూలో హ్యారీ, మేఘన్ మాట్లాడుతూ.. తమకు రెండో సంతానంగా పాప పుట్టబోతుందని తెలిపారు. రాజసౌధంలో ఉన్నప్పుడు తాము చాలా ఇబ్బంది పడ్డామని, అది ఓ నరకమంటూ ఆరోపణలు చేశారు. అంతేకాదు, తన తల్లి డయానాకు కూడా ఇటువంటి అనుభవాలే ఎదురయినట్టు హ్యారీ గత నెలలో ఆవేదన వ్యక్తం చేసిన సంగతి విదితమే. తమ తల్లిదండ్రులు విడిపోవడానికి బీబీసీ జర్నలిస్ ఇంటర్వ్యూ కారణమయ్యిందని ఆరోపించారు.


By June 07, 2021 at 07:32AM


Read More https://telugu.samayam.com/latest-news/international-news/prince-harry-couple-blessed-with-baby-girl-named-after-queen-elizabeth-princess-diana/articleshow/83297175.cms

No comments