Breaking News

కరోనాపై కమెడియన్, డాక్టర్ భద్రం సూటిగా సుత్తిలేని వీడియో.. ఇంత వివరంగా ఎవరూ చెప్పి ఉండరు


కరోనాని జయించాలంటే ముందు భయాన్ని జయించాలి. వైరస్‌ వస్తే చినిపోయేది చాలా తక్కువ శాతం మంది. కానీ భయంతో మాత్రం చాలామంది చనిపోతున్నారు. భయాన్ని జయిస్తే కరోనాని జయించినట్టే అంటున్నారు ప్రముఖ కమెడియన్, డాక్టర్ బ్రహ్మం. అసలు కరోనా ఎలా వస్తుంది? ఎన్నిరోజులు ఉంటుంది? దాన్ని ఎదుర్కోవడం ఎలా అన్న దానిపై ‘ఆపరేషన్ ఊపిరి’ పేరుతో సూటిగా సుత్తి లేకుండా సంపూర్ణమైన అవగాహన, స్పష్టతతో వీడియోలు విడుదల చేశాడు . మూడే మూడు నిమిషాలు ఉన్న ఈ వీడియోలో చాలా విషయాలను సూటిగా సుత్తిలేకుండా చెప్పాడు భద్రం. ఈ వీడియోకి ‘కరోనా బయోపిక్’ అనే పేరు పెట్టారు భద్రం. ఇందులో ఆయన మాట్లాడుతూ.. ‘బయోపిక్ తీయాలంటే మనం ఏదైనా సాధించి ఉండాలి.. ఆ విషయానికి వస్తే.. కరోనా ప్రపంచాన్ని సాధించినంతగా.. భయపెట్టి, బాధపెట్టినంతగా మరెవరూ లేరనే చెప్పాలి. కరోనా వైరస్ మన బాడీలో ఉండే జీవిత కాలం ఎంత అంటే.. పట్టుమని పది రోజులు కూడా లేదు. కరోనా మన బాడీలోకి ప్రవేశించాక.. మన బాడీలో కనిపించే మొట్ట మొదటి లక్షణం తలనొప్పి కావచ్చు.. గొంతునొప్పి కావచ్చు.. జ్వరం కావచ్చు.. ఏదైనా కావచ్చు. ఏరోజైతే మీలో వ్యాధి లక్షణాలు కనిపించాయో.. ఆ రోజుని గుర్తుపెట్టుకుని అదే మీలో వ్యాధి లక్షణం వచ్చిన తొలిరోజు అని. ఆరోజు నుంచి తొమ్మిదే తొమ్మిది రోజులు మన బాడీలో వైరస్ యాక్టివ్‌గా ఉంటుంది. ఆ తరువాతి రోజు నుంచి వైరస్ మన బాడీలో వృద్ధి చెందలేదు. అలాగే చుట్టూ ఉన్నవారికి ఎలాంటి హాని చేయదు. కేవలం తొమ్మిది రోజులు మాత్రమే ప్రమాదం. మరి ఈ తొమ్మిది రోజుల్లో ఏం చేస్తుంది అంటే.. మన సినిమాల్లో క్లైమాక్స్‌లో ఫైట్ ఉంటుంది. కానీ కరోనా బయోపిక్‌లో స్టార్టింగ్ స్టార్టింగే పెద్ద ఫైట్ ఉంటుంది. భారీ సెట్టింగ్స్‌తో మూడు నుంచి నాలుగు రోజుల పాటు ఫైటింగ్ ఉంటుంది.. ఐదో రోజు నుంచి వ్యాధి లక్షణాలు మెల్లమెల్లగా తగ్గుతాయి. తొమ్మిదో రోజు వచ్చేసరికి చాలా ఫ్రీ అయిపోతారు. ఈ తొమ్మిది రోజులు గడిచాయంటే.. మన బాడీలో అధికారికంగా వైరస్ చచ్చిపోయిందని లెక్క. మీరు విజయం సాధించారని అధికారికంగా ప్రకటన విడుదల చేసే రోజు తొమ్మదో రోజు. ప్రతి వందలో 85 శాతం మందికి కరోనా బయోపిక్ ఇలానే ఉంటుంది. ఇక్కడ మరో విషయం ఏంటంటే.. కరోనా బాడీలో ఉండేది తొమ్మిది రోజులే కానీ.. ఈ తొమ్మిది రోజుల్లో బాడీలో చేసిన డ్యామేజ్ తాలూకా లక్షణాలు 90 రోజులు వరకూ లక్షణాలు కనిపిస్తాయి. వాటికి ట్రీట్ మెంట్ తీసుకుంటే సరిపోతుంది. కంగారు పడాల్సిన పనిలేదు. ఈ బయోపిక్ మాత్రమే కాదు.. జీవితంలో ఏ బయోపిక్ అయినా సరే.. మనం గెలవాలంటే శారీరకంగా మానసికంగా ఆరోగ్యంగా ఉండాలి. హెల్త్ ఈజ్ వెల్త్ థాంక్యూ’ అంటూ అతి ముఖ్యమైన జాగ్రత్తల్ని తెలియజేశారు కమెడియన్ డాక్టర్ భద్రం. వీటితో పాటు పాటిటివ్ వస్తే ఎలాంటి జాగ్రత్తలు తీసుకోవాలి? ఎలాంటి వ్యాయామం చేయాలి? లాంటి వీడియోలను చేసి కీలకమైన సమాచారాన్ని అందిస్తున్నారు డాక్టర్ భద్రం. అయితే ఈ వీడియోను ప్రముఖ కమెడియన్, దర్శకుడు, రచయిత హర్ష వర్థన్ షేర్ చేస్తూ.. ‘కరోనా గురించి అతి చక్కగా.. అతి లేకుండా.. సవివరంగా.. నాకు తెలిసి, నేను చూసినంతలో.. ఇంత సంపూర్ణమైన అవగాహన, స్పష్టత తెచ్చుకున్న అతి కొద్ది డాక్టర్స్‌లో ఇతనొకడు అని చాలా ఖచ్చితంగా చెప్పగలను’ అంటూ డాక్టర్ భద్రం వీడియోను షేర్ చేశారు.


By June 02, 2021 at 04:44PM


Read More https://telugu.samayam.com/telugu-movies/cinema-news/operation-oopiri-comedian-and-doctor-bhadram-about-coronavirus-symptoms-and-precautions/articleshow/83172265.cms

No comments