Breaking News

Anandayya: నా శ్రీకృష్ణుడు నాతో మాట్లాడాడు.. ఆనందయ్య మందు కోసం ముందే చెప్పాడు: కరాటే కళ్యాణి వింత వ్యాఖ్యలు


నెల్లూరు జిల్లా కృష్ణపట్నం మందు పంపిణీకి హైకోర్టు గ్రీన్‌ సిగ్నల్‌ ఇచ్చిన విషయం తెలిసిందే.. ఆయన తయారు చేసిన కొవిడ్ మందుల పంపిణీ విషయంలో జోక్యం చేసుకోవద్దని అధికారులను హైకోర్టు ఆదేశించింది. కోవిడ్ మార్గదర్శకాలకు అనుగుణంగా మందు పంపిణీ జరిగేలా తగిన చర్యలు తీసుకోవాలని స్పష్టం చేయడంతో ప్రభుత్వం చొరవ తీసుకుని ఏర్పాట్లలో నిమగ్నమైంది. అయితే కంటి చుక్కలు 'కె' మందు విషయంలో నివేదిక ఇవ్వాలని రాష్ట్ర ప్రభుత్వాన్ని ఆదేశిస్తూ విచారణను జూన్ 3 కు వాయిదా వేసింది. జస్టీస్ కె.విజయలక్ష్మీ, జస్టీస్ డి. రమేశ్తో కూడిన ధర్మాసనం సోమవారం ఈ మేరకు ఆదేశాలు ఇవ్వడంతో ఆనందయ్య కరోనా మందు పంపిణీకి అడ్డుతొలగినట్టైంది. మొత్తానికి ఆనందయ్య ముందు ప్రజలకు అందుబాటులోకి వచ్చే అవకాశాలు కనిపిస్తున్న నేపథ్యంలో ఆసక్తికరమైన వ్యాఖ్యలు చేశారు బిగ్ బాస్ ఫేమ్.. సినీ నటి . కోర్టు నుంచి ఇలాంటి తీర్పు వస్తుందని నాకు ముందే తెలుసని.. కృష్ణుడు తనతో మాట్లాడి ఈ విషయాన్ని ముందే చెప్పాడంటూ ఫేస్ బుక్‌లో వీడియో పెట్టింది కరాటే కళ్యాణి. ఇందులో ఆమె మాట్లాడుతూ.. ‘అంతా నేను చెప్పిందే అయ్యిందిగా.. కోర్టులో మనకే అనుకూలం.. మందు ఇంకో మూడు రోజుల్లో పంపిణీకి సిద్ధం.. ఆనందయ్య మందు ఎవరికి కావాలో వాళ్లు చెప్పండి.. తెప్పిద్దాము .. నాకు చాలా ఆనందంగా ఉంది.. మనందరి ఆశాజ్యోతి ఆనందయ్య గారికి అనుకూలంగా కోర్టు తీర్పు వస్తుంది. ఆయన మందు పంపిణీ చేయొచ్చు.. శాస్త్ర బద్ధంగా ఉంది అనే విషయాన్ని కోర్టు చెప్తుందని ఆశతో ఉన్నాను. నేను నమ్మిన శ్రీకృష్ణ పరమాత్మ, శ్రీరామ చంద్రుడు ఈ విషయంపై నాకు ముందుగానే హింట్ ఇచ్చేశారు. ఆనందయ్య గారు నిర్భంధంలో నుంచి బయటకు వచ్చి మనకి మందు పంపిణీ చేస్తారు. నాకు స్వామి చెప్పారు.. నేను మీకు చెప్తున్నా.. ఖచ్చితంగా నా మాట నిజం అవుతుంది. ఆనందయ్య మందు ఇస్తారు.. ఆ మందు వేసుకున్న వారు మాస్క్‌లు తీసేసి ఫ్రీగా బతుకుతారు. ఇదే నేను అనుకుంటున్నా.. మనందరం ఆనందంగా ఉండే రోజులు మరెంతో దూరంలో లేవు. ఈ విషయం హైకోర్టు తీర్పు రాగానే అందరికీ అర్థం అయిపోతుంది’ అంటూ వీడియో వదిలింది కళ్యాణి. మొత్తానికి ఆమె ఊహించనట్టే ఆనందయ్య మందుకి గ్రీన్ సిగ్నల్ రావడంతో శ్రీకృష్ణ ఆమెతో చెప్పాడంటున్న విషయం నిజమైనట్టే ఉంది.


By June 01, 2021 at 02:52PM


Read More https://telugu.samayam.com/telugu-movies/cinema-news/lord-sri-krishna-told-to-me-about-the-permission-for-anandayya-medicine-says-karate-kalyani/articleshow/83141326.cms

No comments