Breaking News

30 weds 21: అమ్మాయిల నుంచి ప్రపోజల్స్.. ఆ తరువాతే పెళ్లి.. హీరో చైతన్య కామెంట్స్


టాలెంట్ నిరూపించుకోవడానికి ఇప్పుడున్న కాలంలో సిల్వర్ స్క్రీన్ మీదే మెరవాల్సిన పని లేదు. ఏ మాధ్యమంలో నటించినా, తమకు సత్తా ఉందని చూపించినా ప్రేక్షకులు ఆదరిస్తుంటారు. అలా అనే ఓ నటుడు సినిమాల్లో కనిపించినా రాని గుర్తింపు ఓ చిన్న వెబ్ సిరీస్‌తో అందరినీ ఆకట్టుకున్నారు. ఈ మధ్య కాలంలో అనే వెబ్ సిరీస్ పేరు వినని వారెవ్వరూ ఉండరు. ఇప్పుడు అందరూ పడుతున్న, చూస్తున్న సమస్యనే ఎంతో సున్నితంగా హృద్యంగా చూపించారు. ఎక్కడా అసభ్యతకు తావు లేకుండా ఆరు ఎపిసోడ్స్‌లను జనాలకు కనెక్ట్ అయ్యేలా తెరకెక్కించారు. ముప్పై ఏళ్ల వయస్సు ఉన్న అబ్బాయిగా పృథ్వీ పాత్రలో చైతన్య మెప్పించారు. 21 ఏళ్ల వయస్సు గల అమ్మాయిగా మేఘన క్యారెక్టర్‌లో అనన్య నటించారు. అలా ఈ సిరీస్ అతి తక్కువ సమయంలో ఎంతో పాపులర్ అయింది. ప్రతీ ఆదివారం ఒక ఎపిసోడ్‌ను విడుదల చేస్తూ అందరినీ ఆకట్టుకున్నాయి. అలా విడుదల చేసిన కొన్ని గంటల్లో లక్షల్లో వ్యూస్‌ను కొల్లగొట్టేసింది. కొత్తగా పెళ్లైన కుర్రాడిగా, ఉద్యోగిగా, ఫ్రెండ్‌గా, మన ఇంట్లోని అబ్బాయిగా అందరికీ కనెక్ట్‌ అయ్యాడు హీరో చైతన్య. అయితే తాజాగా తన పర్సనల్ లైఫ్ గురించి ఓ మీడియాతో పంచుకున్నారు. చిన్నప్పట్నుంచీ నాకు సినిమాలంటే పిచ్చి. నా ప్రయత్నాలు, తిరుగుళ్లు చూసి అమ్మానాన్నలు హైరానా పడిపోయారు. ‘మనకు చదువు ముఖ్యం. పెళ్లి కావాల్సిన చెల్లి ఉంది కదా.. ముందు మంచి ఉద్యోగం సంపాదించు’ అన్నారు. వాళ్ల మాట కాదనలేక డిగ్రీ తర్వాత ఆస్ట్రేలియా వెళ్లి ఎంబీఏ పూర్తి చేశాను. అక్కడే ఓ ఎమ్మెన్సీలో ఉద్యోగంలో చేరాను. నెలకు మూడు లక్షల జీతమొచ్చే ఉద్యోగాన్ని వదిలేసి వచ్చాను. అప్పుడు అందరూ నన్ను తిట్టారు. కానీ నేను మాత్రం మొండిగానే సినిమాల కోసం ప్రయత్నించాను. అలా 2016లో ‘బందూక్‌’ సినిమాలో హీరోగా అవకాశం వచ్చింది. నటనకి మంచి పేరు వచ్చినా అది పెద్దగా ఆడలేదు. అయినా నేను ప్రయత్నాలు ఆపలేదు. ప్రేమమ్‌, శమంతకమణి, గువ్వా గోరింక, హవా, సినిమాల్లో రెండో హీరోగా వకీల్‌సాబ్‌‌లో చిన్న పాత్ర చేశాను. ఇక ఇప్పుడు ఈ సిరీస్ హిట్ అవ్వడంతో అందరూ ఫోన్లు చేసి అభినందిస్తున్నారు. అమ్మాయిల నుంచి ప్రపోజల్స్ వస్తున్నాయి. * ఇంకా బ్రహ్మచారినే. సినిమా హీరోనయ్యాక పెళ్లి చేసుకుంటా’నని అసలు సంగతి చెప్పేశారు.


By June 12, 2021 at 08:15AM


Read More https://telugu.samayam.com/telugu-movies/cinema-news/30-weds-21-fame-chaitanya-about-his-personal-life/articleshow/83452323.cms

No comments