Breaking News

భారత్‌లో దుస్థితికి మత వేడుకలు, రాజకీయ ర్యాలీలే కారణం.. WHO సంచలన నివేదిక


దేశంలో కరోనా రెండో దశ వ్యాప్తికి పలు మత, రాజకీయ సమ్మేళనాలు వంటివి కారణమని (డబ్ల్యూహెచ్ఓ) స్పష్టం చేసింది. ప్రస్తుతం భారత్‌లో వ్యాప్తికి కారణమవుతోన్న B.1.617 వేరియంట్‌ను గతేడాది అక్టోబరులోనే గుర్తించారని ఈ మేరకు కోవిడ్‌పై డబ్ల్యూహెచ్ఓ విక్లీ నివేదికను బుధవారం వెల్లడించింది. ప్రస్తుతం భారత్‌లో భారీగా కరోనా కేసులు, మరణాలకు B.1.617 వేరియంట్ కారణమని తెలిపింది. ‘భారత్‌లో ఇటీవల పరిస్థితులపై డబ్యూహెచ్ఓ అంచనా ప్రకారం.. భారతదేశంలో కోవిడ్ రెండో దశ వ్యాప్తికి అనేక కారకాలు ఉన్నట్టు గుర్తించాం.. వీటిలో SARS-CoV-2 వేరియంట్ల కేసుల నిష్పత్తి, సంక్రమణలో పెరుగుదల నమోదుచేసింది..; సామాజిక వ్యాప్తికి అనేక మత, రాజకీయ సామూహిక కార్యక్రమాలు; ప్రజారోగ్యం, సామాజిక చర్యలను తగ్గించడం.. వ్యాప్తికి ఖచ్చితమైన కారకాలను సరిగ్గా అర్థం కాలేదు’ అని పేర్కొంది. ‘భారత్‌లో నమోదవుతున్న కోవిడ్-19 కేసులకు సమాంతరంగా B.1.1.7, B.1.612 సహా అనేక వేరియంట్‌లు పెరుగుతూ వచ్చాయి.. ఏప్రిల్ చివరిలో గుర్తించిన కేసుల్లో జన్యు విశ్లేషణలో ఈ వేరియంట్ల వరుసగా 21 శాతం, 7 శాతం ఉన్నట్టు గుర్తించారు’ అని తెలిపింది. జీఐఎస్ఏఐడీ నివేదికను డబ్ల్యూహెచ్ఓ ప్రాథమికంగా విశ్లేషించిందని వివరించింది. ఈ వేరియంట్ 44 దేశాలకు వ్యాపించగా.. భారత్ తర్వాత అత్యధిక కేసులు యూకేలో నమోదయినట్టు పేర్కొంది. ఈ వారం ప్రపంచవ్యాప్తంగా కోవిడ్ కేసులు, మరణాలు తగ్గాయని తెలిపింది. గతవారం 5.5 మిలియన్ కేసులు, 9,0000 మరణాలు నమోదయ్యాయి. అయితే, దక్షిణాసియాలోని మొత్తం కేసుల్లో 95 శాతం, మరణాల్లో 93 శాతం భారత్‌లోనే చోటుచేసుకున్నాయి. గతవారం భారత్‌లో 27,38,957 కేసులు నమోదుకాగా.. బ్రెజిల్‌లో 423,438, అమెరికాలో 334,784, టర్కీలో 166,733, అర్జెంటీనాలో 140,771 కేసులు నిర్ధారణ అయ్యాయి. గతవారం భారత్‌లో 26,820 మంది కరోనాకు బలయ్యారు. అంటే దేశంలో కోవిడ్ మరణాల రేటు 1.9 శాతంగా ఉంది. కాగా, అందుబాటులో ఉన్న సమాచారం ప్రకారం B.1.617 వేరియంట్ అత్యంత ప్రమాదకారని, మేము దీనిని ప్రపంచ స్థాయి వైవిధ్యంగా వర్గీకరిస్తున్నామని ఇప్పటికే డబ్ల్యూహెచ్ఓ హెచ్చరించింది. ఈ వేరియంట్‌పై జరిగిన అధ్యయనాలు ‘కొంతమేర తటస్థీకరణగా ఉన్నట్టు సూచిస్తున్నాయి’, కోవిడ్ యాంటీబాడీలు ఈ వేరియంట్‌పై తక్కువ ప్రభావాన్ని చూపుతున్నాయని వివరించింది.


By May 13, 2021 at 08:43AM


Read More https://telugu.samayam.com/latest-news/india-news/religious-political-events-behind-covid-spike-in-india-says-who/articleshow/82595043.cms

No comments