సినిమా రౌండప్: ఆ మాత్రం కష్టపడకపోతే ఎలా..? మొత్తానికి కన్ఫర్మ్ చేసిన ఎన్టీఆర్.. టార్గెట్ సాయి పల్లవి
బెల్లంకొండ కోసం సాయి పల్లవి ప్రభాస్ కెరీర్‌ని మలుపుతిప్పిన 'ఛత్రపతి' సినిమాను ఇన్నేళ్లకు బాలీవుడ్‌లో రీమేక్ చేస్తున్నారు. దీనితోనే బెల్లంకొండ శ్రీనివాస్ బాలీవుడ్ ఎంట్రీ ఇస్తున్నారు. వీవీ వినాయక్ దర్శకత్వంలో రూపొందనున్న ఈ సినిమా కోసం హీరోయిన్ వేట ప్రారంభించిన యూనిట్.. సాయి పల్లవిని టార్గెట్‌గా పెట్టుకుందట. మరి ప్రస్తుతం చాలా బిజీగా ఉన్న ఆమె ఒప్పుకుంటుందా అనేది తెలియాల్సి ఉంది. ప్రభాస్ 'ఆదిపురుష్' లేటెస్ట్ అప్‌డేట్ ఓం రౌత్‌ దర్శకత్వంలో రూపొందుతున్న పాన్ ఇండియా మూవీ 'ఆదిపురుష్'. రాముడిగా ప్రభాస్ నటిస్తున్న ఈ సినిమాలో లక్ష్మణుడిగా సన్నీ సింగ్ నటించనున్నారు. కరోనా కారణంగా ఈ మూవీ షూటింగ్‌కి బ్రేక్ పడింది. దీంతో ఈ విరామ సమయంలో దర్శకుడి సూచనల మేరకు కండలు పెంచే పనిలో పడ్డారట సన్నీ సింగ్. ఆ మాత్రం కష్టపడకపోతే ఎలా..? కలలు నిజం చేసుకోవాలంటే కష్టం తప్పనిసరి అంటోంది యువ నటి మీనాక్షీ చౌదరి. ఓ వైపు దంత వైద్యురాలిగా చదువు కొనసాగిస్తూనే నటిగానూ సత్తా చాటే ప్రయత్నం చేస్తున్న ఆమె.. రవితేజ 'ఖిలాడీ' సినిమాలో నటిస్తోంది. అలాగే సుశాంత్‌తో కలిసి 'ఇచ్చట వాహనములు నిలుపరాదు' అనే మూవీ చేస్తోంది. మొత్తానికి కన్ఫర్మ్ చేసిన ఎన్టీఆర్ RRR తర్వాత కొరటాల శివతో తన 30వ సినిమా చేస్తున్న ఎన్టీఆర్.. ఆ తర్వాతి సినిమాపై క్లారిటీ ఇచ్చారు. #NTR31 మూవీ 'కేజీఎఫ్' దర్శకుడు ప్రశాంత్ నీల్‌తో చేయనున్నట్లు చెప్పారు. ప్రస్తుతం కరోనాతో హోమ్ క్వారంటైన్‌లో ఉన్న ఆయన ఓ మీడియాతో ఫోన్‌లో మాట్లాడుతూ ఈ విషయం వెల్లడించారు. రెబల్ స్టార్ స్పీడే స్పీడు.. డైరెక్టర్ల క్యూ యంగ్ రెబల్ స్టార్ ప్రభాస్ వరుస సినిమాలతో బిజీగా ఉన్నారు. ప్రస్తుతం ఆయన ''రాధే శ్యామ్, సలార్, ఆదిపురుష్'' సినిమాలతో బిజీగా ఉండగా నాగ్ అశ్విన్ మూవీ లైన్‌లో ఉంది. అయితే ప్రభాస్ కోసం ప్రత్యేకంగా ఓ కథ సిద్ధం చేసుకున్నారట మరో డైరెక్టర్ చంద్రశేఖర్ యేలేటి. ఈ కథను ప్రభాస్‌కి వినిపించి, గ్రీన్ సిగ్నల్ తీసుకోవాలని ఆయన ప్రయత్నాలు స్టార్ట్ చేశారట.
By May 13, 2021 at 08:46AM
No comments