దేశంలో కరోనా థర్డ్ వేవ్..! కీలక నిర్ణయం తీసుకున్న రియల్ హీరో సోనూ సూద్
దేశంలో కరోనా డేంజర్ బెల్స్ మోగిస్తోంది. నిత్యం లక్షల్లో కేసులు నమోదవుతుండటం ఆందోళన కలిగిస్తోంది. ఈ విపరత్కర పరిస్థితుల్లో ఇప్పటికే కొన్ని రాష్ట్రాలు లాక్ డౌన్ ప్రకటించాయి. మరికొన్ని రాష్ట్రాలు పాక్షిక లాక్ డౌన్ పాటిస్తూ కరోనా పట్ల జాగ్రత్తలు తీసుకుంటున్నాయి. అయినప్పటికీ మహమ్మారి వైరస్ వ్యాప్తి కొనసాగుతూ జనాన్ని బలి తీసుకుంటోంది. ఫస్ట్ వేవ్‌తో పోల్చితే సెకండ్ వేవ్ ఉదృతి ఎక్కువగా ఉందని, సరైన చర్యలు తీసుకోకుంటే పెనుముప్పు తప్పదని ఆరోగ్య నిపుణులు హెచ్చరిస్తున్నారు. ఈ పరిస్థితులు చూసి సినీ నటుడు మరో కీలక నిర్ణయం తీసుకున్నారు. సెకండ్ వేవ్ దెబ్బకి ఇటు ఆసుపత్రులు, అటు స్మశాన వాటికలు నిండిపోతుండటం భయాందోళనకు గురి చేస్తోంది. హాస్పిటల్స్‌లో బెడ్స్, ఆక్సీజన్ దొరకక అన్ని రాష్ట్రాల్లో జనాలు పిట్టల్లా రాలిపోతున్నారు. కళ్లముందే అయినవారిని కోల్పోతున్నా.. ఏం చేయలేక నిస్సహాయ స్థితిలో కుటుంబ సభ్యులు ఉండి పోవాల్సిన పరిస్థితి నెలకొంది. మరి సెకండ్ వేవే ఇంత దారుణంగా ఉంటే థర్డ్ వేవ్ వచ్చిందంటే ఇంకెలా ఉంటుందో ఊహించుకోవచ్చు. అయితే ఇది ముందే పసిగట్టిన సోనూ సూద్.. కీలక నిర్ణయం తీసుకున్నారు. దేశంలో ముందు ముందు ఆక్సీజన్ అవసరం మరింత ఉందని భావించి ఆక్సీజన్ ప్లాంట్‌లను నెలకొల్పాలనే ఆలోచనతో ముందుకొచ్చారు. కోవిడ్ తీవ్రత ఎక్కువగా ఉన్న రాష్ట్రాల్లో ఆక్సీజన్ ప్లాంట్‌లను నెలకొల్పాలని ఆయన భావిస్తున్నారట. ఇప్పటికే ఫ్రాన్స్‌ నుంచి ఓ ప్లాంట్‌కి ఆర్డర్ చేశామని, మరో 10 రోజుల్లో అక్కడ నుంచి ఆక్సీజన్ ప్లాంట్ రాబోతున్నట్లుగా సోనూ సూద్ తెలిపారు. అలాగే ఇంకొన్ని దేశాల నుంచి ప్లాంట్‌లను కొనుగోలు చేసేందుకు చర్చలు జరుపుతున్నట్లుగా ఆయన పేర్కొన్నారు. అయితే ఈ విపత్కర పరిస్థితుల్లో సోనూ చేస్తున్న సేవలు చూసి రియల్ హీరో, ప్రజల దేవుడు అని పలువురు ఆయన్ను ప్రశంసిస్తున్నారు. కరోనా ఫస్ట్ వేవ్‌లో ఉపాధి కోల్పోయి రోడ్డునపడ్డ వలస కార్మికులను తమ తమ గూటికి చేర్చి ఆపద్బాంధవుడిగా పిలిపించుకున్న సోనూ.. సెకండ్ వేవ్ లోనూ అవసరమున్న ప్రతి ఒక్కరినీ ఆదుకుంటున్నారు. రెండో దశలోనూ సోనూసూద్ తన సహాయ కార్యక్రమాలను కొనసాగిస్తున్నారు. ఈ నేపథ్యంలో థర్డ్ వేవ్ గురించి కూడా ముందే ఊహించి ఆక్సీజన్ ప్లాంట్‌లను ఏర్పాటు చేయాలనే నిర్ణయానికి రావడం ఆయన గొప్ప మనసుకు నిదర్శనం అనే చెప్పుకోవాలి.
By May 11, 2021 at 07:53AM
No comments