బర్త్‌డే బాయ్ విజయ్ దేవరకొండ: ‘వాళ్లు నా ప్రయాణంలో భాగమే.. ఆ రెండు ఎంజాయ్ చేస్తాను’
ఒకప్పుడు అతను ఓ చిన్న నటుడు.. కానీ, తన కృషి, టాలెంట్, యాటిట్యూడ్ ఇప్పుడు అతన్ని స్టార్ హీరో చేసేశాయి. అతనే రౌడీ బాయ్ . అంతకు ముందు కొన్ని సినిమాల్లో చిన్నాచితక పాత్రల్లో కనిపించన అతను.. ‘పెళ్లిచూపులు’ సినిమాతో హీరోగా గుర్తింపు సాధించాడు. ఇక 2017లో విడుదలైన ‘అర్జున్ రెడ్డి’ సినిమా బాక్సాఫీస్‌ని షేక్ చేసింది. ఆ సినిమా తర్వాత విజయ్ రేంజ్ ఎక్కడికో వెళ్లిపోయింది. ఆ సినిమాని హిందీ, తమిళ్‌లో రీమేక్ చేసినప్పటికీ.. అర్జున్ రెడ్డిలో విజయ్ క్రియేట్ చేసిన ఇంపాక్ట్‌ని మరే హీరో చేయలేకపోయాడు. అది విజయ్ మార్క్ యాక్టింగ్. ఆ తర్వాత ‘మహానటి’, ‘గీత గోవిందం’, ‘టాక్సీవాలా’ తదితర సినిమాలతో నటుడిగా తనని తాను నిరూపించుకున్నాడు విజయ్.. త్వరలో పూరీ జగన్నాథ్ దర్శకత్వంలో అతను ‘’ అనే పాన్ ఇండియా సినిమాతో ప్రేక్షకులను పలకరించనున్నాడు. కాగా, రౌడీ బాయ్ విజయ్ దేవరకొండ నేడు (మే 9న) తన 32వ పుట్టినరోజు జరుపుకుంటున్నాడు. ఈ సందర్భంగా టైమ్స్ ఆఫ్ ఇండియాతో తన కెరీర్‌లో ఎదురైన అనుభవాలను పంచుకున్నాడు. తన సినిమా ప్రయాణం గురించి విజయ్ మాట్లాడుతూ.. ‘‘మన ప్రయాణాన్ని వెనక్కి తిరిగి చూసుకుంటే.. ఒక్కసారిగా షాక్ అవుతాము. అది ఒక రెండు వేరే జీవితాల్లా కనిపిస్తుంది. నా విషయంలోనూ అదే జరిగింది. ఈ జీవితంలో ఎన్నో ఊహించని మార్పులు వచ్చాయి. ఎంతో పరిచయాలు, ఎన్నో అనుభవాలు ఎదురయ్యాయి. అవి నన్ను పూర్తిగా మార్చేశాయి. దాన్ని చెప్పడానికి నా వద్ద మాటలు లేవు. అందుకే నేను జీవితంలో వెనక్కి తిరిగి చూసుకోను. ఇప్పుడు ఏం చేస్తున్నానో దానిపైనే దృష్టి పెట్టి ముందుకు సాగుతుంటాను’’ అని తెలిపాడు. సినిమాలతో పాటు సోషల్‌మీడియాలోనూ విజయ్ చాలా యాక్టివ్‌గా ఉంటాడు. అతనికి ఇన్‌స్టాగ్రామ్‌లో 11 మిలియన్ల మంది ఫాలోవర్లు ఉన్నారు. వాళ్లందరి గురించి మాట్లాడుతూ.. ‘‘నా గురించి నా అభిమానులకు అంతా తెలియాలి. నా ఈ ప్రయాణంలో జరిగే ప్రతీ విషయాన్ని వాళ్లతో పంచుకుంటాను. వాళ్లందరూ నా ప్రయాణంలో భాగమే’’ అని అన్నాడు. ఇక సోషల్‌మీడియాలో తనపై వచ్చే ట్రోల్స్, కామెంట్స్‌పై కూడా విజయ్ రియాక్ట్ అయ్యాడు. ‘‘పబ్లిక్ ఫిగర్‌గా ఉన్నప్పుడు పాజిటివ్, నెగటివ్ రెండూ ఉంటాయి. కానీ, అవన్నీ శాశ్వతం కాదు. ఈ స్థాయిలో ఉన్నా కాబట్టే ఇప్పుడు ట్రోలింగ్, కామెంట్స్ జరుగుతాయి. కానీ, ఏదో ఒకరోజు నా కెరీర్ ముగుస్తుంది. అప్పుడు నేనో ఫోటో పెట్టినా.. రాజకీయాల గురించి మాట్లాడినా.. ఇంకా ఏం చేసినా ఎవరూ పట్టించుకోరు. కాబట్టి ఏదైనా ఉన్నప్పుడే ఎంజాయ్ చేయాలి.. అందుకే నేను పాజిటివ్, నెగెటివ్ రెండింటిని ఎంజాయ్ చేస్తాను’’ అని విజయ్ పేర్కొన్నాడు.
By May 09, 2021 at 12:05PM
No comments