ఇప్పుడు ఈమె అందరికంటే బిజీ హీరోయిన్.. ఒకేసారి లైన్‌లో ఏకంగా అన్ని సినిమాలా..!
‘ఊహలు గుసగుసలాడే’ సినిమాతో తెలుగు ప్రేక్షకులకు పరిచమైన ఢిల్లీ ముద్దు గుమ్మ . ఇటు ట్రెడిషనల్‌గా అటు గ్లామరస్‌గా కనిపిస్తూ.. కుర్రకారును కట్టిపడేస్తుంది రాశీ. తొలుత కాస్త బొద్దుగా ఉన్నప్పటికీ.. ఆ తర్వాత ఫిట్ హీరోయిన్‌గా మారిపోయింది. దీంతో పాటు తన గ్లామర్ డోసు కూడా పెంచేసింది. వరుస హిట్లతో తెలుగులో దూసుకుపోయిన రాశీ.. ఆ తర్వాత తమిళ, మలయాళ భాషల్లో కూడా సినిమాలు చేసి అక్కడి ప్రేక్షకులను మెప్పించింది. అయితే విజయ్ దేవరకొండతో యాక్ట్ చేసిన ‘వరల్డ్ ఫేమస్ లవర్’ ఫ్లాప్ కావడంతో ఆ తర్వాత రాశీ తెలుగు ప్రేక్షకులను పలకరించలేదు. అయితే ప్రస్తుతం ఈ భామ మిగితా హీరోయిన్ల కంటే బిజీగా ఉందట. ఏకకాలంలో ఏడు సినిమాలను ఈమె లైన్‌లో పెట్టినట్లు తెలుస్తోంది. తెలుగులో ఈమె నటించిన సినిమాలు హిట్ అయినప్పటికీ.. స్టార్ హీరోయిన్ స్టేటస్ మాత్రం లభించలేదు. మరోవైపు ‘ఇమైకనోడిగళ్’ అనే సినిమాతో కోలీవుడ్‌లో అడుగుపెట్టిన రాశీకి అక్కడ మంచి రెస్పాన్స్ వచ్చింది. దీంతో ఎక్కువ శాతం తమిళ సినిమాలు చేసేందుకే రాశీ మొగ్గు చూపుతున్నట్లు తెలుస్తోంది. ప్రస్తుతం తమిళంలో ఐదు, తెలుగులో రెండు సినిమాలతో ఈ అమ్మడు బిజీగా ఉంది. తమిళంలో సూపర్ హిట్ సాధించిన హారర్-కామెడీ సిరీస్‌ ‘అరణ్మనై’ మూడో భాగంలో రాశీ హీరోయిన్‌గా నటిస్తోంది. ఈ సినిమాలో రాశీతో పాటు ఆండ్రియా మరో కీలక పాత్ర చేస్తుంది. దీంతో పాటు మేధావి, తుగ్లక్ దర్బార్, సర్దార్, సైతాన్ క బచ్చా ఇలా వరుసగా తమిళ సినిమాలు చేస్తుంది. ఇక తెలుగు విషయానికొస్తే.. విక్రమ్ కుమార్ దర్శకత్వంలో హీరోగా చేస్తున్న ‘’ అనే సినిమా చేస్తోంది రాశీ. ఈ సినిమా ఇటీవలే ఇటలీలో షూటింగ్ పూర్తి చేసుకుంది. దీంతో పాటు గోపీచంద్ సరసన ‘పక్కా కమర్షియల్’ అనే మరో సినిమా చేస్తుంది. దీంతో ఏకకాలంలో ఏడు సినిమాలు చేస్తూ.. అందరికంటే బిజీ హీరోయిన్ అయిపోయింది రాశీ.
By May 09, 2021 at 11:14AM
No comments