Breaking News

శ్రీదేవి సోడా సెంటర్: కండలు తిరిగిన దేహంతో సుధీర్ బాబు.. ఓల్టేజ్ ఎక్కువే! వీడియో వైరల్


జయాపజయాలతో సంబంధం లేకుండా వరుస సినిమాలు చేస్తున్నారు హీరో సుధీర్ బాబు. ఇటీవలే మల్టీస్టారర్ మూవీ 'V'తో ప్రేక్షకులను పలకరించిన ఆయన.. ప్రస్తుతం '' సినిమాతో బిజీగా ఉన్నారు. ఇప్పటికే ఈ మూవీ ఫ‌స్ట్‌లుక్, మోష‌న్ పోస్టర్‌ రిలీజ్ చేసి ఆకర్షించిన మేకర్స్.. నేడు (మే 11) పుట్టినరోజు సందర్భంగా ఫస్ట్ గింప్స్ రిలీజ్ చేశారు. ఈ వీడియోను తన సోషల్ మీడియా ఖాతా ద్వారా పంచుకున్న సుధీర్ బాబు.. ''మరి అక్కడుంది లైటింగ్ సూరి బాబు కదా.. కొంచెం ఓల్టేజ్ ఎక్కువే ఉంటది'' అని కామెంట్ చేశారు. ఇందులో కండలు తిరిగిన దేహంతో ఆకట్టుకున్నారు సుధీర్ బాబు. డిఫరెంట్ కంటెంట్‌తో ఈ మూవీ తెరకెక్కుతోందని వీడియో ద్వారా చెప్పకనే చెప్పారు మేకర్స్. విడుదలైన కాసేపట్లోనే ఈ వీడియో సోషల్ మీడియాలో వైరల్‌గా మారింది. ప‌లాస 1978 సినిమాతో అరంగేట్రంలోనే మంచి పేరు సంపాదించిన క‌రుణ కుమార్ ద‌ర్శ‌క‌త్వంలో ఈ 'శ్రీదేవి సోడా సెంటర్' సినిమా తెరకెక్కుతోంది. 70 ఎమ్ ఎమ్ ఎంట‌ర్ టైన్మెంట్స్ బ్యాన‌ర్‌పై ప్రొడ‌క్ష‌న్ నెం. 4గా నిర్మితమవుతున్న ఈ చిత్రానికి విజ‌య్ చిల్లా, శ‌శిదేవి రెడ్డి నిర్మాతలుగా వ్యవహరిస్తున్నారు. మెలోడి కింగ్ మ‌ణిశ‌ర్మ సంగీతం అందిస్తున్నారు. చిత్రంలో లైటింగ్ మెన్ సూరిబాబు పాత్రలో సుధీర్ బాబు కనిపించనున్నారు. అతిత్వరలో ఈ మూవీ రిలీజ్ చేయాలని ప్లాన్ చేస్తోంది చిత్రయూనిట్.


By May 11, 2021 at 12:02PM


Read More https://telugu.samayam.com/telugu-movies/cinema-news/sudheer-babus-sridevi-soda-center-first-glimpse-released/articleshow/82543115.cms

No comments