పాజిటివ్‌‌గా ముందుకెళ్లాం.. ఇప్పుడైతే పెళ్లి ఆలోచన లేదు.. సడెన్ షాకిచ్చిన మెహ్రీన్
యంగ్ హీరోయిన్ల పెళ్లి విషయాలపై ప్రేక్షక లోకం ఎప్పుడూ ఓ కన్నేసి ఉంచుతుంది. పెళ్లీడుకొచ్చిన హీరోయిన్స్ లవ్ ఎఫైర్స్, డేటింగ్ సంగతులు సోషల్ మీడియాలో వైరల్ అవుతూనే ఉంటాయి. అయితే ఎప్పుడైతే కరోనా ఎఫెక్ట్ మొదలైందో అప్పటినుంచి టాలీవుడ్ మోస్ట్ ఎలిజిబుల్ బ్యాచిలర్స్ ఒక్కొక్కరుగా పెళ్లి పీటలు ఎక్కుతుండటం చూశాం. అయితే తాను మాత్రం అందుకు భిన్నం అంటూ ఓపెన్ అయింది అందాల తార . చడీ చప్పుడూ లేకుండా పెళ్లి చేసుకోవడానికి సిద్దమైన హీరోయిన్ మెహ్రీన్.. హర్యానా మాజీ ముఖ్యమంత్రి భజన్‌లాల్ బిష్ణోయ్ మనవడు, కాంగ్రెస్ యువ నేత భవ్య బిష్ణోయ్‌‌తో మార్చి నెలలో ఎంగేజ్‌మెంట్ కూడా చేసుకుంది. ఆ తర్వాత ఆయనతో కలిసి రొమాంటిక్ ట్రిప్స్ వేస్తూ ఆయా ఫొటోలను సోషల్ మీడియాలో షేర్ చేసింది. దీంతో అతి త్వరలో ఆమె వివాహం జరుగుతుందని అంతా భావిస్తున్న సమయంలో తన పెళ్లి గురించి రియాక్ట్ అవుతూ అసలు విషయం చెప్పేసింది. ప్ర‌స్తుతం నెల‌కొన్న కోవిడ్ ప‌రిస్థితుల కార‌ణంగా తాము ఇప్పుడే పెళ్లి గురించి ఆలోచించడం లేదని చెప్పింది మెహ్రీన్. ఇటీవలే కరోనా నుంచి కోలుకున్న ఆమె.. మొద‌ట్లో కొన్ని రోజులు ఇబ్బంది అనిపించిందని, పాజిటివ్ ఆలోచ‌న‌ల‌తో చివరకు తమ కుటుంబం మొత్తం కరోనా నుంచి బయటపడ్డామని చెప్పింది. ''కరోనా సోకిన సమయంలో భవ్య నాకు నిత్యం కాల్‌ చేస్తూ ఆరోగ్య సమాచారం తీసుకున్నాడు. నేను కోలుకున్న వెంటనే అతడికి పాజిటివ్ వచ్చింది. ఆ సమయంలో అతడి ఆరోగ్యం మీద నేను శ్రద్ధ చూపించాను. కోవిడ్ మహమ్మారి మనకు కావాల్సిన వ్యక్తులను ఎందరినో దూరం చేసింది. కాబట్టి ఇలాంటి పరిస్థితుల్లో పెళ్లి గురించి ఆలోచిండం లేదు. అన్ని పరిస్థితులు చక్కబడ్డాకే పెళ్లి గురించి ఆలోచిస్తాం'' అని మెహ్రీన్ చెప్పడంతో మరోసారి ఆమె పెళ్లి మ్యాటర్ జనాల్లో హాట్ టాపిక్ అయింది.
By May 27, 2021 at 12:31PM
No comments