అను ఇమ్మాన్యుయేల్కి వింత లవ్ ప్రపోజల్.. నా దగ్గర అవన్నీ ఉన్నాయంటూ నేరుగా! ఇష్యూ వైరల్
సోషల్ మీడియా అందరికీ అందుబాటులోకి వచ్చాక సామాన్య ప్రజలకు, సెలబ్రిటీలకు మధ్యదూరం చాలావరకు తగ్గిపోయింది. సామాజిక మాధ్యమాలను వేదికగా చేసుకొని కమ్యూనికేట్ కావడం సులభంగా మారింది. దీంతో ప్రతి ఒక్కరూ ఈ సోషల్ మీడియాలో యాక్టివ్ అవుతున్నారు. ముఖ్యంగా హీరోయిన్స్ అయితే ఫేస్ బుక్, ట్విట్టర్, ఇన్స్స్టాగ్రామ్ లాంటి ప్లాట్ఫామ్స్ని ఫుల్లుగా వాడేస్తున్నారు. ఎప్పటికప్పుడు లేటెస్ట్ ఫోటోషూట్స్ పోస్ట్ చేస్తూ ఆన్లైన్ వేదికలను వేడెక్కిస్తున్నారు. ఈ నేపథ్యంలో నెటిజన్ల నుంచి ఒక్కోసారి వారికి ఊహించని పరిణామాలు ఎదురవుతున్నాయి. తాజాగా యంగ్ హీరోయిన్ అను ఇమ్మాన్యుయేల్కి అదే జరిగింది. ఎప్పుడూ సోషల్ మీడియాలో యాక్టివ్గా ఉండే మలయాళ బ్యూటీ .. ఇటీవల ఓ గ్లామర్ ఫొటో షేర్ చేసింది. దీంతో ఈ ఫొటో సోషల్ మీడియాలో వైరల్ కావడమే గాక ఆమె ఆశ్చర్యపోయేలా చేసింది. అను గ్లామర్ లుక్ చూసిన ఓ నెటిజన్ ఏకంగా నన్ను పెళ్లి చేసుకుంటావా? అని కామెంట్ పెట్టేశాడు. తన వద్ద ఐదు ఎకరాల పొలం ఉందని, మంచి ఇల్లు, గార్డెన్, ఓ స్కూటర్ కూడా ఉన్నాయని, అంతకు మించి నీ మీద చెప్పలేనంత ప్రేమ ఉందని సదరు నెటిజన్ రాసుకొచ్చాడు. దీంతో ఈ వింత ప్రపోజల్ ఇష్యూ నెట్టింట వైరల్ అవుతోంది. ‘మజ్ను’ సినిమాతో టాలీవుడ్ ఎంట్రీ ఇచ్చిన అను ఇమ్మాన్యుయేల్.. ఆ తర్వాత పవన్ కళ్యాణ్, అల్లు అర్జున్ లాంటి స్టార్ హీరోలతో తెరపంచుకుంది. రీసెంట్గా బెల్లంకొండ శ్రీనివాస్తో 'అల్లుడు అదుర్స్' సినిమాలో రొమాన్స్ చేసిన ఈ అమ్మడు ప్రస్తుతం ‘మహా సముద్రం’ మూవీలో నటిస్తోంది. ఇకపోతే ఈ మధ్యకాలంలో అమ్మడి లవ్ ట్రాక్ ఒకటి హైలైట్ అయిన సంగతి మనందరికీ తెలుసు. టాలీవుడ్ యంగ్ హీరో, అల్లు వారబ్బాయి అల్లు శిరీష్తో ఆమె లవ్ ట్రాక్ నడిపిస్తోందంటూ సోషల్ మీడియాలో జోరుగా ప్రచారం నడుస్తోంది. దీనిపై ఆ ఇద్దరినుంచి ఎటువంటి స్పందన రాకపోవడం జనాల్లోని అనుమానాలకు రెక్కలు కడుతోంది.
By May 21, 2021 at 11:00AM
No comments