ఢిల్లీకి చేరిన అసోం పంచాయతీ.. కాంగ్రెస్ ఆఫర్తో వేడెక్కిన రాజకీయాలు
అసోం అసెంబ్లీ ఎన్నికల్లో నాయకత్వంలోని ఎన్డీఏ తిరిగి అధికారం నిలబెట్టుకుంది. అసోంలో మొత్తం 126 స్థానాలకుగానూ 75 సీట్లలో ఎన్ఏడీ కూటమి విజయం సాధించింది. కాగా, ఫలితాలు వెల్లడయ్యి వారం రోజులవుతున్నా ముఖ్యమంత్రి ఎంపికపై ప్రతిష్టంభన కొనసాగుతోంది. సీఎం ఎవరనేది బీజేపీ ఇంకా తేల్చలేదు. ప్రస్తుత ముఖ్యమంత్రి శర్వానంద్ సోనోవాల్తో పాటు బీజేపీ ట్రుబుల్ షూటర్గా గుర్తింపు పొందిన అసోం ఆర్దిక మంత్రి హిమాంత బిశ్వ శర్మ రేసులో ఉన్నారు. ఎన్నికల జరిగిన మిగతా రాష్ట్రాల్లో కొత్త ప్రభుత్వాలు కొలువుదీరినా అసోంలో మాత్రం సీఎం ఎంపికపై బీజేపీ తాత్సారం చేస్తోంది. ఈ నేపథ్యంలో కొత్త సీఎం ఎంపిక పంచాయతీ ఢిల్లీకి చేరింది. , హిమాంత్ బిశ్వలను బీజేపీ అధిష్ఠానం ఢిల్లీకి పిలిపించింది. కొత్త సీఎం ఎవరనేది శనివారం నిర్ణయం తీసుకునే అవకాశం ఉందని బీజేపీ వర్గాలు పేర్కొంటున్నాయి. ఇరువురు నేతలూ ఢిల్లీకి చేరుకుని, బీజేపీ జాతీయాధ్యక్షుడు జేపీ నడ్డాతో సమావేశమవుతారు. సీఎం శర్వానంద్ శుక్రవారం గువహటిలో మీడియాతో మాట్లాడుతూ.. మరో రెండు మూడు రోజుల్లో కొత్త ప్రభుత్వం కొలువుదీరనుందని అన్నారు. ‘‘త్వరలోనే పార్లమెంటరీ బోర్డు సమావేశమై నిర్ణయం తీసుకుంటుంది.. దీనిపై ఆందోళనపడాల్సిన అవసరం లేదు.. వీలైనంత తొందరగా ప్రభుత్వం ఏర్పడుతుంది’’ అని వ్యాఖ్యానించారు. ‘‘శర్వానంద్ సోనోవాల్కు ఈసారి అవకాశం క్లిష్టంగా ఉంది.. గత ఐదేళ్లుగా తన పనితీరుతో హిమాంత బిశ్వ శర్మ గట్టిపోటీదారుగా ఉన్నారు.. అసాధారణంగా ఈ సమయంలో స్నేహపూర్వక పరిష్కారం కోసం అధినాయకత్వం చాలా సమయం తీసుకుంటోంది.. జాతీయ నేత ఎవరినైనా సీఎంగా నియమించడం సాధ్యం కాదు’’ అని బీజేపీకి చెందిన ఓ సీనియర్ నేత అన్నారు. కొత్త ప్రభుత్వం ఏర్పాటులో జరుగుతున్న జాప్యంపై విపక్షాలు విమర్శలు గుప్పిస్తున్నాయి. ఎన్డీఏ కూటమి 75 స్థానాల్లో గెలుపొందగా.. బీజేపీ 60 సీట్లలో గెలిచింది. కాంగ్రెస్ నాయకత్వంలోని యూపీయే 50 స్థానాల్లో విజయం సాధించింది. కాగా, హిమాంత బిశ్వ శర్మకు బీజేపీ నుంచి బయటకొస్తే తమ పార్టీకి చెందిన 29 ఎమ్మెల్యేలు మద్దతు ఇస్తారని కాంగ్రెస్ ఆఫర్ ఇచ్చింది. శర్మ 2015 వరకు కాంగ్రెస్లోనే ఉన్నారు. ఈ నేపథ్యంలో కాంగ్రెస్ ఆఫర్తో అసోం రాజకీయాలు వేడెక్కాయి.
By May 08, 2021 at 08:44AM
No comments