సినిమా రౌండప్: మకాం మార్చబోతున్న ప్రభాస్.. మహేష్ ఫ్యాన్స్ బీ రెడీ! సారాపై సోనూ సూద్ కామెంట్
బాలీవుడ్ ఎంట్రీపై నాని రియాక్షన్ టాలీవుడ్ ప్రేక్షకులను తనదైన నటనతో అలరిస్తున్న హీరో నాని బీటౌన్‌ ప్రవేశంపై తన మనసులోని మాట బయటపెట్టాడు. బాలీవుడ్ సినిమా చేయాలనే ఆలోచన తనకు ఎప్పటి నుంచో ఉందని, మంచి కథతో పాటు డైరెక్టర్‌ దొరికితే తప్పకుండా బాలీవుడ్‌లో సినిమా చేస్తానని అన్నారు. మకాం మార్చబోతున్న ప్రభాస్ ప్రభాస్ లేటెస్ట్ మూవీ 'ఆదిపురుష్' షూటింగ్ ఇటీవలే ముంబైలో ప్రారంభమైన సంగతి తెలిసిందే. కొంతభాగం షూటింగ్ అయ్యాక కరోనా కోరలు చాచడంతో మహారాష్ట్రలో షూటింగ్స్ ఆగిపోయాయి. ఇతర రాష్ట్రాలతో పోల్చితే అక్కడ కరోనా విజృంభణ ఎక్కువగా ఉంది. ఈ నేపథ్యంలో ఆదిపురుష్ టీమ్ హైదరాబాద్‌‌కి మకాం మార్చబోతోందట. ఇక ఇక్కడే చిత్రీకరణ చేస్తారని తెలుస్తోంది. సారాను హీరో అంటున్న సోనూ కరోనా విపత్కర సమయంలో పేద కార్మికులకు అండగా ఉంటూ శక్తిమేర సహాయం అందిస్తున్నారు సోనూసూద్‌. కోవిడ్-19 సేవా కార్యక్రమాల కోసం ఆయన సూద్ ఫౌండేషన్‌ ప్రారంభించారు. ఈ ఫౌండేషన్‌కి సారా అలీఖాన్‌ తన వంతు సహకారం అందించారు. దీనిపై రియాక్ట్ అయిన సోనూ.. సారా అలీఖాన్‌ను అభినందిస్తూ.. ''డియర్‌ సారా అలీఖాన్‌ మీరు చేసిన సహకారానికి కృతజ్ఞతలు. విపత్కర పరిస్థితుల్లో మీలాంటి యంగ్‌స్టర్స్‌ స్పందించి సహాయం అందించడం దేశ యువతకు స్ఫూర్తి. మీరు హీరో'' అని పేర్కొన్నారు. మహేష్ ఫ్యాన్స్ బీ రెడీ మహేష్ బాబు హీరోగా రూపొందుతున్న 'సర్కారు వారి పాట' నుంచి సర్‌ప్రైజ్ రెడీ చేశారట మేకర్స్. మే 31 మహేష్ బాబు తండ్రి, సూపర్ స్టార్ కృష్ణ పుట్టినరోజు సందర్భంగా ఈ సినిమా ఫస్ట్ లుక్‌తో పాటు ఫస్ట్ గ్లింప్స్ కూడా రిలీజ్ చేయబోతున్నారని టాక్. ఎవ్వరూ భయపడొద్దు.. విజయ్ దేవరకొండ సందేశం కరోనా సృష్టిస్తున్న అలజడి చూసి ఎవ్వరూ భయపడొద్దని విజయ్ దేవరకొండ అన్నారు. వైరస్ లక్షణాలు కనిపించిన వెంటనే ఎవరికి వారు ఇతరులకు దూరంగా ఉండాలని, తెలంగాణ రాష్ట్ర ప్రభుత్వం ప్రతి ఆరోగ్య కేంద్రంలో, ఏరియా ఆసుపత్రుల్లో, ఫస్ట్ ఎయిడ్ దవాఖానాల్లో కోవిడ్ ఔట్ పేషెంట్ డాక్టర్లను పెట్టిందని, భయపడకుండా జాగ్రత్తగా ఉండండి అని ఆయన పేర్కొన్నారు.
By May 09, 2021 at 08:34AM
No comments