Breaking News

RGV: రామ్ గోపాల్ వర్మపై నాగబాబు దిమ్మతిరిగే పోస్ట్.. కన్ఫ్యూజన్‌లో పడేస్తూ సెన్సేషనల్ కామెంట్స్


రామ్ గోపాల్ వర్మ.. అమ్మ బాబోయ్! ఈ పేరు వింటేనే అదో కిక్కు. అయన మాట్లాడే మాటలు, చేసే సినిమాలు, ఉండే విధానం అలాంటిది మరి. ఇక కాంట్రవర్సీస్ అంటారా? అది మనోడికి వెన్నతో పెట్టిన విద్య. ఎవ్వరేమనుకుంటే నాకేంటయ్యా.. నాకు అనిపించింది నేను చెబుతున్నానంటూ రచ్చ చేయడంలో మనోడే కింగ్. అమ్మాయిల అందాలపై కామెంట్స్ చేయడం, రాజకీయాల్లో వేలు పెడుతూ వివాదం క్రియేట్ చేయడంలో వర్మ మహా దిట్ట. ట్రెండ్ సెట్టర్ అనాలా? ఇదెక్కడి ట్రెండ్ బాబోయ్ అనాలా అర్థం కాదు వర్మ వ్యవహార శైలి చూస్తుంటే. అందుకే రామ్ గోపాల్ వర్మపై ఒక్కొక్కరి ఫీలింగ్స్ ఒక్కోలా ఉంటాయి. మరోవైపు స్టార్ స్టేటస్‌లు, గొప్పలు అంటే వర్మకు అస్సలు గిట్టవని ఆయన మాటల్లో తెలుస్తుంటుంది. అలాంటి నయా సెన్సేషనల్ కింగ్‌పై పవన్ కళ్యాణ్ సోదరుడు, మెగా బ్రదర్ షాకింగ్ కామెంట్స్ చేశారు. వర్మపై ఇప్పటికే అందరిలో ఉన్న కన్ఫ్యూజన్‌ను రెట్టింపు చేస్తూ తన సోషల్ మీడియా ఖాతా ద్వారా సెన్సేషనల్ పోస్ట్ వదిలారు నాగబాబు. ఆర్జీవీ పుట్టిన రోజు సందర్భంగా మెగా బ్రదర్ చేసిన ఈ పోస్ట్ జనాల్లో హాట్ ఇష్యూగా మారింది. ''మీరు ఏదైతే చెప్పాలనుకున్నారో, మనసులో ఏదైతే ఉందో నిర్మొహమాటంగా అదే బయటపెడతారు. ఎలాంటి పట్టింపులు ఉండవు. మీ అభిప్రాయాలు, దృక్పథం సమాజానికి చాలా అవసరం.. కానీ ఇది మీ అహంకారం, మూర్ఖత్వం అని ప్రజలు అనుకోవచ్చు. మీరు మాట్లాడేవన్నీ ఆమోదించదగినవే అయినా ఈ సమాజం నిజాన్ని అంగీకరించడానికి భయపడుతోంది. మీ పద్ధతులు, జీవన విధానం ప్రతి ఒక్కరినీ బాధపెడుతుందని అందరూ అనుకోవచ్చు.. కానీ మీరలా ఉండటం చూసి అంతా అసూయ పడుతున్నారు. అద్భుతమైన సత్యం ఏంటనే.. మిమ్మల్ని నిమగ్నం చేసేవి, మీరనుకున్నంతగా కిక్కిచ్చేవి ఈ ప్రపంచంలో ఇంకేమీ లేవు. మీకు పుట్టిన రోజు శుభాకాంక్షలు. ఈ బోరింగ్ ప్రపంచంలో మీరు కోరుకునేది దొరికేంత వరకూ మీ జర్నీ కొనసాగుతుందని, ఆ కిక్ మీకు దొరుకుతుందని నమ్ముతూ.. నాకు తెలుసు ఈ బర్త్ డే విషెస్ మీకు నచ్చవని. అందుకే దాన్ని విస్మరించి మీకు నచ్చినట్టు మీరు జీవించండి'' అంటూ తన సందేశంలో పేర్కొన్నారు నాగబాబు. ఇది చూసిన నెటిజన్స్ ఇంతకీ నాగబాబు.. వర్మను తిట్టారా లేక పొగిడారా? అనేది తెలియక తలపట్టుకుంటున్నారు. సో.. చూడాలి మరి దీనిపై వర్మ రియాక్ట్ అవుతారా? ఒకవేళ అవుతే ఎలా ఉంటుందనేది!.


By April 08, 2021 at 01:11PM


Read More https://telugu.samayam.com/telugu-movies/cinema-news/hot-issue-naga-babu-shocking-post-on-ram-gopal-varma/articleshow/81965995.cms

No comments