Breaking News

Breaking: మహారాష్ట్ర కోవిడ్ ఆస్పత్రిలో ఘోరం.. ఆక్సిజన్ లీక్.. పెనువిషాదం


మహారాష్ట్రలో ఘోర ప్రమాదం చోటుచేసుకుంది. ట్యాంక్ లీకై 22 మంది మృతి ప్రాణాలు కోల్పోయారు. ఆస్పత్రిలోని ఆక్సిజన్ ట్యాంక్ నింపుతున్న సమయంలో గ్యాస్ లీకైంది. దీంతో ఆస్పత్రిలో ఐసీయూలో చికిత్స పొందుతున్న రోగులకు ఆక్సిజన్ అందక 22 మంది మృతి చెందారు. నాసిక్‌లోని జాకీర్ హుస్సేన్ మున్సిపల్ ఆస్పత్రిలో బుధవారం మధ్యాహ్నం ఈ ప్రమాదం జరిగింది. ట్యాంకర్‌తో ఆస్పత్రిలోని ఆక్సిజన్ ట్యాంక్ నింపుతుండగా వాల్వ్ ఊడిపోయి గ్యాస్ లీకైంది. ట్యాంక్ నుంచి గ్యాస్ లీక్ కావడంతో సుమారు 30 నిమిషాల పాటు ఆక్సిజన్ సరఫరా నిలిచిపోయింది. ఆస్పత్రిలో అప్పటికే సుమారు 150 మంది వరకూ కరోనా రోగులు చికిత్స పొందుతున్నారు. ఆక్సిజన్ అందకపోవడంతో 22 మంది ప్రాణాలు విడిచినట్లు తెలుస్తోంది. ఆక్సిజన్ గ్యాస్ లీక్ కావడంతో భయాందోళన నెలకొంది. గ్యాస్ చుట్టుముట్టడంతో కంగారుపడ్డారు. విపత్తు నిర్వహణ సిబ్బందితో అదుపులోకి తెచ్చేందుకు ప్రయత్నిస్తున్నారు. పూర్తి సమాచారం వచ్చిన వెంటనే వివరాలు తెలియజేస్తామని ఆరోగ్య శాఖ మంత్రి రాజేష్ తోపే తెలిపారు. ఘటనపై విచారణకు ఆదేశించినట్లు చెప్పారు. Also Read:


By April 21, 2021 at 03:36PM


Read More https://telugu.samayam.com/latest-news/india-news/22-patients-on-ventilators-die-at-nashik-hospital-after-oxygen-leak/articleshow/82178845.cms

No comments