Breaking News

నిన్న దర్శనమివ్వని నెలవంక.. రేపటి నుంచి రంజాన్ ఉపవాసాలు


ముస్లిం సోదరులకు ఎంతో పవిత్రమైంది రంజాన్ మాసం. ఈ మాసంలో ఉపవాస దీక్షలు, ప్రార్థనలతో ముస్లింలు గడపుతారు. ఇస్లాంను ఆచరించే ప్రతి వ్యక్తి కామ, క్రోధం, అహంకారం, అహింసా వంటి దుర్గుణాలను వదిలేసి భగవంతుడి నామ స్మరణం చేస్తూ శాంతి, సహనంతో జీవితం సాగించాలని పవిత్ర ఖురాన్‌లో లఖించారు. ఇటువంటి పవిత్ర జీవనాన్ని సాగించి, ఆధ్యాత్మిక చింతన రగిల్చేందుకు ఏడాదికి ఒక సారి రంజాన్ నెలలో కఠిన నింబంధనలతో కూడిన ఉపవాసదీక్షను పాటిస్తారు. వయసు మళ్లినవారు, అనారోగ్య సమస్యలను ఎదుర్కొనేవారు, అత్యవసర ప్రయాణాలు సాగించేవారు మాత్రం ఉపవాసాలకు దూరంగా ఉంటారు. ఇక, ఈ ఏడాది భారత్‌లో బుధవారం నుంచి ప్రారంభమవుతాయి. సోమవారం రాత్రి నెలవంక దర్శనమివ్వకపోవడంతో బుధవారం నుంచి రంజాన్ ఉపవాస దీక్షలు ప్రారంభమవుతాయని బెంగళూరులోని మర్కజి రౌత్ ఎ హిలాల్ కమిటీ ప్రకటించింది. ఢిల్లీ, భోపాల్, ముంబై, గుజరాత్, అలహాబాద్ ప్రాంతాల్లో సోమవారం రాత్రి నెలవంక కనిపించకపోయినా బుధవారం నుంచి రోజాలు ప్రారంభిస్తామని ఉలేమాలు ఏకగ్రీవంగా తీర్మానించారు. రంజాన్ మాసంలో ఉపవాసాలతోపాటు దానధర్మాలు చేస్తారు. దేశవ్యాప్తంగా అన్ని మసీదుల్లో ముస్లింలు ప్రార్థనలు నిర్వహిస్తారు. తారావీహ్ నమాజ్‌లతో రాత్రి వేళ మసీదులు భక్తులతో కళకళలాడుతాయి. ముస్లింలు సూర్యోదయం నుంచి సూర్యాస్తమయం వరకు ఉపవాసం కొనసాగిస్తారు. అల్లాహ్ జ్ఞాపకార్థం తమ సమయాన్ని వెచ్చిస్తారు. ఇస్లామిక్ క్యాలెండర్ ప్రకారం తొమ్మిదో నెలలో రంజాన్ పాటిస్తారు. హిజ్రీ క్యాలెండర్‌ ప్రకారం సోమవారం షాబాన్ నెల ముగిసినట్టు సౌదీ అరేబియా ప్రకటించింది. అంటే మంగళవారం నుంచి రంజాన్ ప్రారంభం కానుండగా.. ఆ మర్నాడు భారత్‌లో రంజాన్ ఉపవాసాలు మొదలవుతాయి. ఏప్రిల్ 14న ఉపవాస దీక్షలు మొదలై మే 12తో ముగియనున్నాయి. ఇస్లామిక్ క్యాలెండర్‌లో షాబాన్‌ నెలకు ఓ ప్రత్యేక ప్రాముఖ్యత ఉంది. దీనిని ముహమ్మద్‌ ప్రవక్త తన నెలగా పేర్కొన్నారు. హజ్రత్‌ అబూ హురైరా ప్రకారం మహామ్మద్ ప్రవక్త ఒక సందర్భంలో ఇలా ఉపదేశించారు ‘‘షాబాన్‌ నా నెల. రజబ్‌ అల్లాహ్ నెల.. రంజాన్ నా జాతి నెల.. షాబాన్‌ నెల మానవులను పాపాల నుంచి దూరం చేస్తుంది.. రమజాన్‌ నెల పరిశుభ్రం చేస్తుంది’’ అని అన్నారు.


By April 13, 2021 at 07:43AM


Read More https://telugu.samayam.com/latest-news/india-news/india-to-begin-ramadan-fastings-and-prayers-on-april-14/articleshow/82041945.cms

No comments