క్యారెట్‌తో ‘బ్యూటీ’హల్చల్.. ఇస్మార్ట్ పోరీ వీడియో వైరల్
సోషల్ మీడియాలో చేసే సందడి అందరికీ తెలిసిందే. తెరపై నిధి అందాల ఆరబోతకు నెటిజన్లు ఫిదా అవుతుంటారు. నిధి అగర్వాల్‌కు ఇప్పుడు అవకాశాలు వెల్లువెత్తుతున్నాయి. కెరీర్ ప్రారంభంలో డిజాస్టర్లను చవిచూసి ఐరెన్ లెగ్ అనే ముద్ర వేసుకున్నారు. కానీ ఆ తరువాత బ్లాక్ బస్టర్ హిట్ కొట్టేయడంతో నిధి దశ తిరిగింది. సవ్యసాచి, మిస్టర్ మజ్ను అంటూ వరుసగా నిధి అగర్వాల్ రచ్చ చేశారు. కానీ అక్కినేని వారసులతో నిధి అగర్వాల్ చేసిన సినిమాలేవీ వర్కవుట్ కాలేదు. ఆ తరువాత పూరి జగన్నాథ్ దర్శకత్వంలో వచ్చిన ఇస్మార్ట్ శంకర్ సినిమాలో నిధి అందరినీ ఆశ్చర్యపరిచారు. అందాల ఆరబోతతో కుర్రకారును పడగొట్టేశారు. అలా ఇస్మార్ట్ శంకర్ హిట్ అవ్వడంతో నిధి అగర్వాల్‌కు మంచి ఆఫర్లు వచ్చాయి. కేవలం టాలీవుడ్‌లోనే కాకుండా కోలీవుడ్‌లోనూ నిధి అగర్వాల్ దూసుకుపోతోన్నారు. ఈ ఏడాది సంక్రాంతికి కోలీవుడ్‌లో నిధి అగర్వాల్ వరుసగా ప్రేక్షకులను పలకరించారు. జయం రవి, శింబు వంటిస్టార్స్ పక్కన నటించారు. ఇక్కడ ఇప్పుడు తెలుగులోనూ రచ్చ చేసేందుకు రెడీ అయ్యారు. గల్లా అశోక్ హీరోగా వస్తోన్న సినిమాతో నిధి అగర్వాల్ బిజీగా ఉన్నారు. అంతేకాకుండా నిధి అగర్వాల్ ఇప్పుడు హరిహర వీరమల్లు వంటి ప్రతిష్టాత్మకమైన చిత్రంలో నటిస్తున్నారు. క్రిష్ దర్శకత్వంలో పవన్ కళ్యాణ్ హీరోగా వస్తోన్న ఈ మూవీలో నిధి అగర్వాల్ ఓ ముఖ్య పాత్రను పోషిస్తున్నారు. నిధి అగర్వాల్ తెరపై ఎంత అందంగా కనిపిస్తుంటారో.. సోషల్ మీడియాలో అంతకు మించి అనేలా రచ్చ చేస్తుంటారు. నిధి అగర్వాల్ తన బ్యూటీ సీక్రెట్స్‌ను తాజాగా బయటపెట్టేశారు. తన చర్మ సౌందర్య రహస్యం గురించి చెబుతూ ఓ వీడియోను సోషల్ మీడియాలో షేర్ చేశారు. ఇందులో క్యారెట్‌తో చేసిన సన్ స్క్రీన్ ప్రొటెక్షన్ క్రీమ్ గురించి చెప్పుకొచ్చారు. యూవీ కిరణాలు, ఇన్ ఫ్రా కిరణాల నుంచి చర్మాన్ని రక్షింస్తుంటుందని నేక్ ఆర్గానికా(NakeOrganica) ఉత్పత్తుల గురించి చెప్పుకొచ్చారు.
By April 18, 2021 at 09:23AM
No comments