Breaking News

ఏంటి నీ ఓవర్ యాక్షన్.. ముందు నీది నువ్ చూసుకో.. అషూ రెడ్డిని ఏకిపారేస్తున్న నెటిజన్స్


బిగ్ బాస్ బ్యూటీ అషూ రెడ్డికి సోషల్ మీడియాలో ఎంతటి ఫాలోయింగ్ ఉందో అందరికీ తెలిసిందే. బిగ్ బాస్ చిన్నది ఇప్పుడు బుల్లితెరపై సందడి చేస్తూ అభిమానులను ఎంటర్టైన్ చేస్తున్నారు. బుల్లితెరపై కామెడీని పండిస్తూ..యాంకర్‌గానూ అలరిస్తున్నారు. అయితే నిత్యం కాంట్రవర్సీకి కేరాఫ్ అడ్రస్‌గా నిలుస్తుంటారు. అషూ రెడ్డి షేర్ చేసే ఫోటోలు, తన ఫాలోవర్లకు ఇచ్చే రిప్లైలు ఎప్పుడూ వివాదాలకు దారి తీసేలానే ఉంటాయి. ఆ మధ్య రాహుల్ సిప్లిగంజ్‌తో అషూ నడిపిన వ్యవహారం, ఇద్దరి మధ్య ఉన్న రిలేషన్ హాట్ టాపిక్ అయ్యాయి. మా ఇద్దరి మధ్య మంచి బంధం ఉంది, రాహుల్ నా గుండెల్లో ఉన్నాడంటూ అషూ రెడ్డి చేసిన కామెంట్లు అందరినీ ఆశ్చర్యపరిచాయి. ఇక రాహుల్ విషయంలో అషూ రెడ్డి దూకుడుగానే వ్యవహరించేది. ప్రతీ రోజూ సాయంత్రం పార్టీలు చేసుకుంటామని ఇద్దరూ ఓపెన్‌గానే చెప్పేశారు. అయితే ఇప్పుడు మాత్రం రాహుల్ సిప్లిగంజ్‌కు అషూ రెడ్డి దూరంగానే ఉంటున్నారు. తన పని ఏదో తాను చేసుకుంటూ పోతున్నారు. బుల్లితెరపై పలు ప్రాజెక్ట్‌లతో బిజీగా ఉంటున్నారు. కామెడీ స్టార్స్ షోలో ఎక్స్ ప్రెస్ హరితో అషూకు మంచి కెమిస్ట్రీ కుదిరింది. అలా ఇప్పుడు ఈ ఇద్దరి జంటకు సోషల్ మీడియాలో మంచి క్రేజ్ నెలకొంది. కామెడీ స్టార్స్ కాకుండా హ్యాపీ డేస్ అనే కొత్త షోతో అషూ రెడ్డి యాంకర్‌గా కొత్త అవతారమెత్తారు. అషూ రెడ్డి చుట్టూ ఎప్పుడూ కాంట్రవర్సీ ఉంటుంది. ఆమె ఆ మధ్య పవన్ కళ్యాణ్‌తో దిగిన ఫోటో, ఆమె తన శరీరం మీద వేసుకున్న టాటూలు ఎంతగా వైరల్ అయ్యాయో అందరికీ తెలిసిందే. పవన్ కళ్యాణ్‌కు నాలుగో భార్యగా ఉంటావా? అని నెటిజన్ అడగటం.. ఉంటాను అంటూ ఆమె కూడా సమాధానం ఇవ్వడంతో అషూ రెడ్డి ఒక్కసారిగా సెన్సేషన్ క్రియేట్ చేశారు. అయితే చివరకు ఈ అంశం చిలికి చిలికి గాలి వానలా మారడంతో దిగొచ్చిన అషూ రెడ్డి మీడియా మీద విరుచుకుపడ్డారు. నెగెటివ్స్ కామెంట్స్ చేసే నెటిజన్ల మీదా మండిపడ్డారు. అయితే తాజాగా మరోసారి అషూ రెడ్డి అందరికీ కేంద్ర బిందువుగా మారారు. పవన్ కళ్యాణ్‌కు కరోనా పాజిటివ్ రావడంతో అషూ రెడ్డి తెగ బాధపడిపోయారు. కన్నీరు కారుస్తూ ఓ వీడియోను రిలీజ్ చేశారు. ఆయన బాగుండాలి.. బాగుంటారు.. పైన దేవుడు ఉన్నాడు.. ఆయనకేం కాదు.. త్వరగా కోలుకోవాలి.. అంటూ అషూ రెడ్డి కన్నీరు కార్చేసింది. అయితే అషూ ఏడుపులపై ఎక్కువగా నెగెటివ్ కామెంట్స్ వస్తున్నాయి. ఈ పర్ఫామెన్స్ ఏదో కెమెరా ముందు చేస్తే ఆఫర్లు వస్తాయ్.. ముందు నువ్ మాస్క్ పెట్టుకో.. నీది నువ్ చూసుకో.. నీ ఓవర్ యాక్షన్ ఏంటి అని అషూ రెడ్డిని ఏకిపారేస్తున్నారు. అయితే కొందరు పవర్ స్టార్ ఫ్యాన్స్ మాత్రం అషూ రెడ్డికి మద్దతిస్తున్నారు.


By April 18, 2021 at 09:58AM


Read More https://telugu.samayam.com/telugu-movies/cinema-news/ashu-reddy-gets-trolls-about-pawan-kalyan-corona-positive/articleshow/82125840.cms

No comments