అచ్చతెలుగులో నిహారిక లేటెస్ట్ పోస్ట్.. భర్త రియాక్షన్ చూస్తే షాకవ్వాల్సిందే..
మెగా బ్రదర్ నాగబాబు కుమార్తె నిహారిక.. టాలీవుడ్‌లో హీరోయిన్‌గా నిలదొక్కుకోలేకపోయింది. నాగశౌర్య సరసన ‘ఒక మనస్సు’ సినిమాతో తెలుగు తెరకి హీరోయిన్‌గా పరిచయమైనా ఈ మెగా ప్రిన్సెస్.. ఆ తర్వాత ‘సూర్యకాంతం’ అనే సినిమాలోనూ నటించింది. నటన పరంగా అందరి మెప్పుపొందినా.. ఈ రెండు సినిమాలు మాత్రం ఊహించినంత విజయం సాధించలేదు. అంతకు ముందు పలు నిహారిక పలు వెబ్ సిరీస్‌లలోనూ నటించింది. అయితే గత ఏడాది ప్రముఖ వ్యాపారవేత్త జొన్నలగడ్డ చైతన్యతో నిహారికా వివాహం వైభవంగా జరిగింది. రాజస్థాన్‌లోని ఓ ప్యాలెస్‌లో బంధుమిత్రుల సమక్షంలో ఈ వేడుకని ఘనంగా నిర్వహించారు. వీరిద్దరి వివాహానికి సంబంధించిన ఫొటోలు, వీడియోలు అప్పట్లో తెగ వైరల్ అయ్యాయి. అయితే నిహారిక సాధారణంగా సోషల్‌మీడియాలో చాలా యాక్టివ్‌గా ఉంటుంది. తనకు సంబంధించిన సమాచారంతో పాటు.. తరచూ ఫొటోషూట్‌లు నిర్వహిస్తూ ఆ ఫొటోలను తన సోషల్‌మీడియా ఖాతాల ద్వారా అభిమానులతో పంచుకుంటుంది. తాజాగా నిహారిక ఓ ఫొటోని తన ఇన్‌స్టాగ్రామ్ ఖాతాలో పోస్ట్ చేసింది. అయితే రొటీన్‌కి భిన్నంగా ఈ ఫొటోకి ఆమె పూర్తిగా తెలుగులో క్యాప్షన్ ఇచ్చింది. గులాబీ రంగు దుస్తుల్లో ఉన్న నిహారిక ఈ ఫొటోలో ఎంతో అందంగా కనిపిస్తోంది. మరి, అంత అందాన్ని ఆమె భర్త చైతన్య పొగడకుండా ఎలా ఉంటాడు. తన బావ మెగాపవర్‌స్టార్ రామ్ చరణ్ పాటతో.. తన భార్యని పొగడాలని డిసైడ్ అయ్యాడు చైతన్య. ‘గులాబీ కళ్లు రెండు ముళ్లు చేసి గుండెలోకి గుచ్చుతున్నావే’ అంటూ అతను చేసిన కామెంట్ నెటిజన్లను విశేషంగా ఆకట్టుకుంటుంది. అయితే ఈ ఫొటోపై మరో మెగా హీరో కళ్యాణ్ దేవ్ కూడా స్పందించాడు. ‘నీహా, నువ్వు ఇంత బాగా తెలుగు రాయగలవు అని నాకు తెలియదు’ అంటూ అతను కామెంట్ చేశాడు. కాగా, పెళ్లి తర్వాత సినిమాల నుంచి బ్రేక్ తీసుకున్న నిహారికా.. మళ్లీ కెరీర్‌ మీద దృష్టి పెట్టినట్లు సమాచారం. ఇప్పటివరకూ సరైన హిట్ అందుకొని ఈ బ్యూటీ.. ఇకపై కెరీర్‌ని బలంగా ప్లాన్ చేసుకొనే ప్రయత్నాలు ప్రారంభించిందట. సరైన స్క్రిప్ట్‌తో ఎవరైన దర్శకుడు ముందుకొస్తే.. ఆ కథ నచ్చితే వెంటనే ఓకే చెప్పే యోచనలో నిహారిక ఉన్నట్లు తెలుస్తోంది.
By April 07, 2021 at 12:28PM
No comments