ఆ మాట అని నా ఆస్తిలో వాటా మిస్సయ్యావ్..! చురలంటించిన నాగబాబు.. ఇష్యూ వైరల్
‘జబర్దస్త్’ షో నుంచి తప్పుకున్న తర్వాత మెగా బ్రదర్ .. సోషల్ మీడియానే తన వేదికగా మార్చుకున్నారు. గతంలో ఎప్పుడూ సోషల్‌మీడియాలో యాక్టివ్‌గా కనిపించని ఆయన.. ఈ మధ్యకాలంలో తన పోస్టులు, ట్వీట్లతో కుదిపేస్తున్నారు. తనపై మాత్రమే కాదు.. మెగా ఫ్యామిలీపై ఎవరు కామెంట్లు చేసిన.. తనదైన స్టైలో స్పందిస్తున్నారు. మొదటి నుంచి నాగబాబు ఏం మాట్లాడిన అది వైరల్ అవుతుంది. అప్పట్లో నటుడు బాలకృష్ణ, దర్శకుడు రామ్ గోపాల్ వర్మపై సెన్సేషనల్ కామెంట్స్ చేశారు నాగబాబు. అప్పట్లో దీనిపై పెద్ద ఎత్తున చర్చ జరిగింది. తాజాగా పవన్‌కళ్యాణ్ విషయంలో ప్రముఖ హేతువాది బాబు గోగినేని పెట్టిన ఓ వివాదాస్పద పోస్ట్‌పై నాగబాబు ధీటుగా స్పందించారు. ఈ విషయంలో ఆయన బాబు గోగినేనిని ఓక ఊరకుక్కతో పోలుస్తూ.. పోస్ట్ పెట్టారు. అయితే నాగబాబులో ఈ సీరియస్ కోణంతో పాటు.. మంచి కామెడీ యాంగిల్ కూడా ఉంది. ఈ మధ్య ఆయన రెగ్యులర్‌గా ఇన్‌స్టాగ్రామ్‌లో క్వశ్చన్ అండ్ ఆన్సర్ సెషన్ పెడుతున్నారు. తన ఫాలోవర్లు అడిగే ప్రశ్నలకు సెటైరికల్ సమాధానాలు చెబుతూ.. బోలెడంత వినోదాన్ని పంచుతున్నారు. తాజాగా నాగబాబు.. ఓ నెటిజన్‌కి చురకలంటించారు. ఓ వ్యక్తి నాగబాబు ఆస్తి వివరాలు తెలుసుకొనే ప్రయత్నం చేశాడు. అయితే ఈ క్రమంలో అతను నాగబాబుని ‘ఎంత ఆస్తి ఉంది నీకు?’ అంటూ ఏకవచనంతో సంబోధంచాడు. అందుకు ఆయన స్పందిస్తూ.. ‘‘నువ్వు అని సంభోదించావు. రెస్పెక్ట్ తగ్గింది. సో చెప్పను. మీకు ఎంత ఉందో అని అడిగి ఉంటే, ఎంతుందో చెప్పి.. ఆస్తిలో సగం ఇచ్చేవాడిని. బ్యాడ్‌లక్’ అంటూ సమాధానం ఇచ్చారు. ఇంకో ఫాలోవర్ ‘మీ ఇళ్లు ఓ యాభై కోట్లు ఉంటుందా’ అని అడిగిన ప్రశ్నకు.. ‘ముఖేశ్ అంబానీ హౌస్ కంటే.. ఓ పది రూపీస్ తక్కువ మిగిలినదంతా సేమ్ టు సేమ్’ అంటూ పవన్‌కళ్యాణ్ స్టైల్‌లో జవాబు ఇచ్చారు నాగబాబు.
By April 19, 2021 at 01:17PM
No comments