నాకు పక్కా లెక్కలుంటాయి.. ప్రభుత్వం ఎలాంటి నిర్ణయం తీసుకున్నా అంగీకారమే: దిల్ రాజు
ఇటీవలే విడుదలైన రీ- ఎంట్రీ మూవీ '' ఆశించిన ఫలితం రాబట్టిన సంగతి తెలిసిందే. కొన్ని ఏరియాల్లో అడ్డంకులు ఎదురైనా వాటిని అధిగమించి..కోవిడ్ టైమ్ లోనూ రికార్డ్ కలెక్షన్స్ సాధిస్తోంది. దీంతో ఇప్పటికే సక్సెస్ మీట్ పెట్టి తమ ఆనందం వ్యక్తం చేసిన టీమ్ మరోసారి మీట్ అయింది. ఈ మూవీ విజయవంతంగా రెండో వారం ప్రదర్శితం అవుతున్న సందర్భంగా నిర్మాత , దర్శకుడు శ్రీరామ్ వేణు సినిమా సక్సెస్ గురించి మీడియాతో మాట్లాడారు. విడుదలకు ముందే వకీల్ సాబ్ మూవీపై పూర్తి నమ్మకంతో ఉన్న నిర్మాత దిల్ రాజు చాలా విషయాలపై ఓపెన్ అయ్యారు. ఆయన మాట్లాడుతూ.. ''ఎప్పుడైతే వకీల్ సాబ్ మొదలుపెట్టామో అప్పుడే అనుకున్నాం, ఇది ఎంత పెద్ద సినిమా అయితే అంత మనం విజయం సాధించినట్లు అని. డబ్బుల వసూళ్ల పరంగా కాదు, ఎంతమంది ఆడియెన్స్‌కు రీచ్ కాగలుగుతుంది అనేదే మా లక్ష్యం. టీవీ, థియేటర్, ఓటీటీ ఇలా మూడు విధాలుగా నిర్మాతకు డబ్బులు వస్తాయి. కానీ అది ముఖ్యం కాదు. ఈ కోవిడ్ టైమ్‌లో కూడా ఎంత మంది చూడాలో అంత కంటే ఎక్కువ మంది చూస్తున్నారు. థియేటర్లకు రిపీటెడ్‌గా ప్రేక్షకులు వస్తున్నారు. ఇలా ప్రజలకు సినిమా రీచ్ అవడంలో, రెవెన్యూ విషయంలో చాలా హ్యాపీగా ఉన్నాం. అడ్డంకులు దాటాం, అనుకున్నది సాధించాం. ఇంతకంటే కావాల్సింది ఏముంది. చేసిన సినిమా వల్ల సంతృప్తి రావాలి. రెండోది ఎకానమి, నిర్మాతగా నాకు డబ్బు కూడా ముఖ్యమే. వకీల్ సాబ్‌తో ఈ రెండు విషయాల్లో సంతోషంగా ఉన్నాం. ఆడియెన్స్ మనసుల్లోకి వెళ్లే సినిమాలు అరుదుగా ఉంటాయి. వకీల్ సాబ్ అలాంటి సినిమా అయినందుకు మరింత హ్యాపీగా అనిపిస్తోంది. ఇప్పుడు కాకుండా ఇంకో టైమ్‌లో ఈ సినిమా రిలీజ్ చేస్తే ఇంకా పెద్ద హిట్ అయ్యేదేమో అని కొందరు అంటున్నారు. కానీ రేపు అనేది ఎలా ఉంటుందో ఎవ్వరికీ తెలియదు. ముందు ముందు ప్రభుత్వం సీటింగ్ విధానంగా ఏ నిర్ణయం తీసుకున్నా మాకు అంగీకారమే. మేం కోరుకునేది కూడా అదే. ప్రేక్షకులు సినిమా చూడాలి అదే టైమ్‌లో కొవిడ్ జాగ్రత్తలన్నీ పాటించాలి. సేఫ్‌గా ఇంటికి వెళ్లాలి. ఎంత డబ్బు పెడితే సినిమాకు ఎంత తిరిగొస్తుందనేది నాకు పక్కా లెక్కలు ఉంటాయి కాబట్టి ఆ విషయంలోనూ సక్సెస్ అందుకున్నాం. వకీల్ సాబ్ విజయం మాకు మరింత బాధ్యత ఇచ్చింది'' అన్నారు.
By April 18, 2021 at 08:44AM
No comments