Breaking News

Bandla Ganesh: మాటల్లేవ్.. ఇక వాదనలు అనవసరం.. వకీల్ సాబ్‌పై బండ్ల గణేష్ స్ట్రాంగ్ రియాక్షన్!


వకీల్ సాబ్.. వకీల్ సాబ్.. ప్రస్తుతం ఎక్కడ చూసినా ఈ మంత్రమే వినిపిస్తోంది. పవన్ కళ్యాణ్ ఫ్యాన్స్ 'వకీల్ సాబ్' హాష్ ట్యాగ్‌తో ట్విట్టర్‌లో మోత మోగిస్తున్నారు. పవర్ స్టార్ పవన్ కళ్యాణ్ ఈ రోజే (ఏప్రిల్ 9) 'వకీల్ సాబ్' సినిమాతో వెండితెరపై కనిపించడంతో మెగా అభిమానలోకం ఊగిపోతోంది. క్లాస్, మాస్ అనే తేడా లేకుండా అన్ని సెంటర్ల వద్ద పవన్ ఫ్యాన్స్ కోలాహలం కనిపిస్తోంది. వెండితెరపై పవన్ కళ్యాణ్ విశ్వరూపం చూపించారనే టాక్ బయటకొచ్చింది. ఈ నేపథ్యంలో పవన్ భక్తుడు, నిర్మాత సహా పలువురు సినీ ప్రముఖులు చేసిన ట్వీట్స్ వైరల్ అవుతున్నాయి. మొన్న జరిగిన వకీల్ సాబ్ ప్రీ రిలీజ్ ఈవెంట్‌లో 'లఫూట్' అంటూ రచ్చరచ్చ చేసి పవన్ పొగరంటే ఏంటి? అనేది జనాలకు అర్థమయ్యేలా చెప్పిన బండ్ల గణేష్.. తాజాగా వకీల్ సాబ్ విడుదలయ్యాక అంతకుమించి అన్నట్లుగా సెన్సేషనల్ ట్వీట్ చేశారు. ఈ సారి జస్ట్ వన్ వర్డ్‌తోనే పవర్ స్టార్ అభిమానులను హుషారెత్తిస్తూ పవన్ కళ్యాణ్‌పై మరోసారి తన అభిమానం చాటుకున్నారు. ''మాస్ కా బాప్.. మాటల్లేవ్.. ఇక వాదనలు అనవసరం. కేవలం జడ్జ్‌మెంట్ మాత్రమే. బ్లాక్ బస్టర్ వకీల్ సాబ్. జై పవర్ స్టార్'' అంటూ బండ్ల గణేష్ ట్వీట్ పెట్టారు. దీనిపై పవన్ ఫ్యాన్స్ పెద్దఎత్తున రియాక్ట్ అవుతున్నారు. ఇకపోతే మెగా ప్రిన్స్ వరుణ్ తేజ్ ట్వీట్ చేస్తూ బాబాయ్ పవన్ కళ్యాణ్‌కి బెస్ట్ విషెస్ అందించారు. అలాగే పవన్ వీరాభిమాని అయిన మరో డైరెక్టర్ హరీష్ శంకర్ ''జాతర షురూ'' అంటూ సింగిల్ డైలాగ్‌తో వకీల్ సాబ్ మూవీ గ్రేట్‌నెస్ తెలిపారు. కామెడీ చిత్రాలకు కేరాఫ్ అడ్రస్‌గా ఉండే అనిల్ రావిపూడి ''వకీల్ సాబ్ జడ్జిమెంట్.. పవర్ ఫుల్ బ్లాక్ బస్టర్.. వన్ మాన్ షో ఇది. వేణు శ్రీరామ్ రాసుకున్న కథ, ఇచ్చిన ప్రెజెంటేషన్ సూపర్బ్. థమన్ అదరగొట్టేశాడు'' అని పేర్కొన్నారు. మొత్తానికైతే పవన్ మేనియా కొనసాగుతోందని తాజా పరిస్థితి తెలుపుతోంది. పవన్‌కి 'వకీల్ సాబ్' పవర్‌ఫుల్ కమ్‌బ్యాక్ సినిమా అనే టాక్ జనాల నుంచి వినిపిస్తోంది. దిల్ రాజు, బోనీ కపూర్ సంయుక్తంగా నిర్మించిన ఈ సినిమాలో పవన్ సరసన శృతి హాసన్ నటించగా.. అంజలి, అనన్య నాగేళ్ల, నివేదా థామస్ ముఖ్యపాత్రలు పోషించారు.


By April 09, 2021 at 01:50PM


Read More https://telugu.samayam.com/telugu-movies/cinema-news/vakeel-saab-bandla-ganesh-reaction-on-pawan-kalyan-re-entry-movie/articleshow/81984857.cms

No comments