Sri Reddy: ఎన్టీఆర్ పొలిటికల్ ఎంట్రీ.. ఆడవాళ్లను అలా పిలిచే ఆయన..! శ్రీ రెడ్డి స్ట్రాంగ్ రియాక్షన్
నందమూరి వారసుడు, స్టార్ హీరో పొలిటికల్ ఎంట్రీ గురించి గత కొన్నేళ్లుగా జనాల్లో చర్చలు నడుస్తూనే ఉన్నాయి. అయితే ఏపీలో జరిగిన గత ఎన్నికల్లో టీడీపీ ఘోర పరాజయం చవిచూసిన అనంతరం ఆ పార్టీకి ఎన్టీఆర్ అవసరం ఎంతైనా ఉంది అనే మాట ఎక్కువగా వినిపిస్తోంది. తాతకు తగ్గ మనవడిగా సినిమాల్లో రాణిస్తూ అశేష అభిమాన వర్గం సొంతం చేసుకున్న ఒక్క ఎన్టీఆర్ మాత్రమే టీడీపీని కాపాడగలడనే టాక్ రోజురోజుకూ ముదురుతోంది. ఈ నేపథ్యంలో నిన్న (శనివారం) జరిగిన ఓ ప్రెస్ మీట్‌లో ఎన్టీఆర్ ముందుకు ఈ అంశం రావడం, ఆయన రియాక్ట్ కావడం జరిగింది. దీంతో వెంటనే ఎంటరై షాకింగ్ కామెంట్స్ చేసింది. వివాదాస్పద నటిగా ఫుల్ ఫేమస్ అయిన శ్రీ రెడ్డి సోషల్ మీడియాలో యమ యాక్టివ్‌గా ఉంటూ ఎప్పటికప్పుడు సమాజంలో జరుగుతున్న ఇష్యూలపై స్పందిస్తుండటం చూస్తూనే ఉన్నాం. కాస్టింగ్ కౌచ్ ఉద్యమం తర్వాత చెన్నైలో సెటిలైన ఆమె.. అక్కడి నుంచే బడా బాబుల బండారాలు బయటపెడుతూ నిత్యం వార్తల్లో నిలుస్తోంది. చివరకు స్టార్ హీరోయిన్స్ బాడీలపై కూడా వివాదాస్పద వ్యాఖ్యలు చేస్తూ పలు పోస్టులు పెట్టింది శ్రీ రెడ్డి. మేజర్‌గా ఆమె సోషల్ మీడియా వాల్‌పై ఇలాంటి పోస్టులే కనిపిస్తుంటాయి కానీ.. కొన్ని ప్రత్యేక సందర్భాల్లో మాత్రం శ్రీ రెడ్డి తనకు నచ్చిన వారిని తెగ పొగడటం చూస్తుంటాం. తాజాగా జూనియర్ ఎన్టీఆర్ విషయంలో ఇదే జరిగింది. 'ఎవరు మీలో కోటీశ్వరుడు' ప్రెస్ మీట్‌కి సంబంధించిన వీడియోలు షేర్ చేస్తూ ఎన్టీఆర్ గురించి వరుస ట్వీట్స్ పెట్టిన శ్రీ రెడ్డి.. యంగ్ టైగర్‌పై ప్రశంసలు గుప్పించింది. 'అభిమానులను తన కుటుంబంలా చూసుకునే ఒకే ఒక్క దమ్మున్న హీరో యంగ్ టైగర్ ఎన్టీఆర్, జై ఎన్టీఆర్ గారు'' అంటూ మొదటి పోస్ట్ పెట్టిన ఆమె, ఆ వెంటనే ''ఆడవారిని అమ్మా అని పిలిచే మీ సంస్కారానికి నా జీవితాంతం మీకు అభిమానిగా ఉంటాను సార్. ఇందుకే ఎన్టీఆర్ గారు అంటే నాకు చాలా ఇష్టం. జై ఎన్టీఆర్'' అంటూ మరో పోస్ట్ వదిలింది. ''మాస్ అయినా క్లాస్ అయినా, డైలాగ్ చెప్పటంలో అయినా, డాన్స్ చేయటంలో అయినా, నటనలో అయినా నిజ జీవితంలో అయినా ఎన్టీఆర్ గారి తర్వాతే ఎవరైనా. జై ఎన్టీఆర్'' అంటూ ఎన్టీఆర్ గుణాన్ని, ఆయన టాలెంట్‌ని ప్రస్తావిస్తూ నందమూరి అభిమానులను హుషారెత్తించే పోస్ట్ చేసింది శ్రీ రెడ్డి. ఇక చివరగా.. ''ఎన్టీఆర్ గారు రాజకీయాల్లోకి వస్తారో రారో నాకు తెలియదు కాని వస్తే మాత్రం పక్కా CM అవుతారు, ఎందుకంటే తెలుగు ప్రజలు ఆయనను వాళ్ళ ఇంట్లో సొంత కొడుకులా, అన్నలా చూస్తారు'' అంటూ ఆయన పొలిటికల్ ఎంట్రీపై సూపర్ రియాక్షన్ ఇచ్చింది. దీంతో శ్రీ రెడ్డి చేసిన ఈ ట్వీట్స్ ప్రస్తుతం సోషల్ మీడియాలో వైరల్‌గా మారాయి.
By March 14, 2021 at 08:48AM
No comments