Chiranjeevi: వైష్ణవ్ తేజ్‌కు చిరంజీవి కాస్లీ గిఫ్ట్.. హాప్పీ మూమెంట్ అంటూ మురిసిపోయిన మెగా మేనల్లుడు
మెగా మేనల్లుడు, సాయిధ‌ర‌మ్ తేజ్ సోద‌రుడు వైష్ణవ్ తేజ్ తొలి సినిమాతోనే సత్తా చాటిన సంగతి తెలిసిందే. ఉప్పెనలా వచ్చి తన టాలెంట్ ఏంటనేది తెలుగు ప్రేక్షకుల ముందుంచాడు వైష్ణవ్. మెగా ఫ్యామిలీ నుండి ఎంద‌రో హీరోలు వచ్చినా ఇలా తొలి సినిమాతో సూపర్ సక్సెస్ సాధించి పలువురి ప్రశంసలు పొందిన హీరో మాత్రం వైష్ణవ్ తేజ్ మాత్రమే అని చెప్పుకోవడంలో అతిశయోక్తి లేదు. కొత్త హీరో, కొత్త హీరోయిన్, కొత్త ద‌ర్శ‌కుడు అయిన‌ప్ప‌టికీ ఉప్పెన చిత్రం ఇంత విజ‌యం సాధించ‌డం పట్ల మెగా అభిమాన లోకం తెగ సంబర పడింది. డైరెక్టర్ సుకుమార్ ఎంతో నమ్మకంగా ఈ మూవీ 10 కోట్ల క్లబ్‌లో చేరిపోతుందని చెప్పినట్లుగానే ఇటీవలే ఆ ఫీట్ అందుకుంది. ఫిబ్రవరి 12న విడుదలై పలు రికార్డులు సృష్టిస్తూ నేటికీ వసూళ్ల పరంపర కొనసాగిస్తోంది. అయితే తన మేనల్లుడి ప్రతిభ చూసిన గర్వంగా ఫీల్ అయిన మెగాస్టార్ .. వైష్ణవ్‌కి కాస్లీ వాచ్ గిఫ్ట్‌గా ఇచ్చారు. వైష్ణ‌వ్‌ని ప్రత్యేకంగా ఇంటికి పిలిపించుకొని మరీ ఈ బ‌హుమ‌తిని అందించారు చిరంజీవి. అయితే మెగాస్టార్ నుంచి ఈ గౌరవం దక్కడం పట్ల తెగ మురిసిపోయిన వైష్ణవ్ తేజ్, ఈ విషయాన్ని సోష‌ల్ మీడియా ద్వారా తెలియ‌జేస్తూ చిరంజీవితో దిగిన ఫొటోను షేర్ చేశారు. ఈ ఫొటో మెగా అభిమానుల‌ని ఎంత‌గానో ఆకట్టుకుంటూ నెట్టింట వైరల్‌గా మారింది. ఇది చూసి వైష్ణవ్ తేజ్‌కు మరోసారి అంతా కంగ్రాట్స్ చెబుతున్నారు. ఉప్పెన సినిమా విషయానికొస్తే.. సుకుమార్ శిష్యుడు బుచ్చిబాబు సానా రూపొందించిన ఈ సినిమాతో వైష్ణవ్ తేజ్ హీరోగా పరిచయమయ్యాడు. ఆయన సరసన నటించిన కృతి శెట్టికి కూడా ఇది తొలి తెలుగు సినిమా. వెండితెరపై ఈ కెమిస్ట్రీ, కొత్త డైరెక్టర్ బుచ్చిబాబు టేకింగ్ సినిమాకు ప్రాణం పోసి ఈ స్థాయిలో నిలబెట్టాయి.
By March 11, 2021 at 08:51AM
No comments