Breaking News

బైక్‌పై వెళ్తోన్న యువకుడ్ని ఆపిన పోలీస్.. తర్వాత ఏం జరిగిందంటే?


సాధారణంగా బైక్‌పై వెళ్తున్నప్పుడు మధ్యలో పోలీసులు ఆపారంటే లైసెన్స్ తదితర పత్రాలు తనిఖీకోసమే అనుకుంటాం. కానీ, ఇక్కడ వాహనదారుని ఆపి ఓ మంచి పనిని పోలీస్ అప్పగించారు. ప్రస్తుతం దీనికి సంబంధించిన వీడియో యూట్యూబ్‌లో వైరల్ అవుతోంది. ఈ వీడియోను చూసినవారు ఆ కానిస్టేబుల్ గొప్ప మనసుకు ఫిదా అవుతున్నారు. ఈ ఘటన తమిళనాడులోని టెంకాసీలో జరిగింది. టెంకాసీ వద్ద ద్విచక్రవాహనంపై వెళ్తున్న ఓ యువకుడిని అక్కడ కానిస్టేబుల్ ఆపి.. నువ్వు కర్ణాటక నుంచి వస్తున్నావా? అని అడిగారు. దీనికి అతడు అవునని సమాధానం ఇచ్చాడు.. దీంతో ఇప్పుడే ఈ మార్గంలో వెళ్తున్న ఆర్టీసీ బస్సులోని ప్రయాణిస్తున్న వృద్దురాలు చేతిలోని మెడిసిన్ జారిపోయింది.. ఆ బస్సును వెంబడించి వృద్దురాలికి మెడిసిన్ అందజేయమని చెప్పారు. దీంతో ఆ యువకుడు తన బైక్‌తో బస్సును వెంబడించి సదరు ప్రయాణికురాలికి ఔషధాలను అందజేశాడు. దీనికి సంబంధించిన వీడియోను ఓ తమిళ యూట్యూబ్ ఛానల్ అప్‌లోడ్ చేసింది. ప్రస్తుతం ఈ వీడియోను పలువురు షేర్ చేశారు. అంతేకాదు, 15వేలసార్లు వీక్షించారు. కానిస్టేబుల్, యువకుడి చేసిన మంచి పనిని చాలా మంది ప్రశంసిస్తున్నారు. ‘ఇది ఎక్కడ జరిగింది? నమ్మశక్యంగా లేదు’ అని ఓ యూజర్ ప్రశ్నించగా.. దీనికి మరో వ్యక్తి సమాధానమిస్తూ.. ‘నాకు ఈ విషయం తెలుసు.. అదే దారిలో వెళ్లిన నేను పోలీసుల అభ్యర్థనను తిరస్కరించాను.. ఇది స్పష్టంగా ఓ సెటప్ అని నేను భావిస్తున్నాను... దీనిపై నాకు అంతగా నమ్మకం లేదు’ అని వ్యాఖ్యానించాడు.


By March 26, 2021 at 11:17AM


Read More https://telugu.samayam.com/latest-news/india-news/biker-was-stopped-by-a-constable-way-to-tenkasi-in-tamil-nadu-watch-what-happened-next/articleshow/81701378.cms

No comments