Breaking News

ఇచ్చిన మాటను నిలబెట్టుకోని బైడెన్.. వైట్‌హౌస్ ఉద్యోగులు ఆగ్రహం!


గంజాయి, మత్తు పదార్థాలను సేవించిన వైట్‌హౌస్ ఉద్యోగులపై ఎటువంటి చర్యలు తీసుకోబోమని బైడెన్ యంత్రాంగం ఫిబ్రవరిలో సూచాయగా తెలిపింది. అయితే, ఈ హామీ విషయంలో బైడెన్ సర్కారు మాట తప్పింది. గతంలో గంజాయి, డ్రగ్స్ తీసుకున్న ఐదుగురుని చెప్పపెట్టకుండా విధుల నుంచి తొలగిస్తున్నట్లు శుక్రవారం ప్రకటించింది. గతంలో వీరు మాదకద్రశ్యాలను వాడినట్టు తెలియడంతోనే ఈ నిర్ణయం తీసుకున్నట్టు తెలుస్తోంది. ఈ మేరకు వైట్‌హౌస్ ప్రెస్ సెక్రటరీ జెన్ సాకి ఓ ప్రకటనలో తెలిపారు. ప్రకారం గంజాయి, డ్రగ్స్ వాడకంపై నిషేధం ఉంది. అయితే అమెరికాలోని చాలా రాష్ట్రాల్లో ఇది చట్టబద్ధమే కావడంతో అ ప్రాంతాల నుంచి వచ్చిన వ్యక్తులు గంజాయి తీసుకునే అవకాశాలు చాలా ఎక్కువగా ఉంటాయి. అయితే, ఎటువంటి నోటీసు లేకుండా ఉద్యోగులను తొలగించడంపై గుర్రుగా ఉన్నారు. గతంలో గంజాయి సేవించిన వారిపై ఎలాంటి చర్యలూ ఉండబోవని అనధికారికంగా తమతో చెప్పారని, కానీ ఇప్పుడు ఉద్యోగాల్లోంచి తొలగిస్తున్నారని సిబ్బంది ఆందోళన వ్యక్తం చేస్తున్నారు. ప్రస్తుతం ఇలా మాట మార్చడం ఏంటని నిలదీస్తున్నారు. ఈ అంశంపై జెన్ సాకీ మాట్లాడుతూ.. గతంలో గంజాయి వాడినందుకు వారిపై చర్యలు తీసుకోలేదని, వందల మందిపై జరిగిన విచారణలో కేవలం ఐదుగురినే ఉద్యోగాల్లోంచి తొలగించామని పేర్కొన్నారు. డ్రగ్స్ తీసుకున్న అతికొద్ది మందిని మాత్రమే తొలగించామని స్పష్టం చేశారు. రిక్రూట్ చేసుకున్న వందల మంది సిబ్బందిలో ఐదుగురు మాత్రమే వైట్‌హౌస్‌లో ఇకపై విధులు నిర్వహించరని సాకీ తెలిపారు. అయితే, గతంలో గంజాయి తీసుకున్న డజన్లు కొద్దీ సిబ్బందిని తొలగించడం లేదా మారుమూల ప్రాంతాలకు బదిలీచేసినట్టు అమెరికా మీడియా వెల్లడించింది. కొందర్ని రాజీనామా చేయాలని అధికారులు కోరుతున్నారు ఎందుకంటే గతంలో గంజాయి తీసుకున్నారని చెబుతున్నారని ఈ అంశంతో సంబంధం ఉన్న ఓ ప్రముఖ వ్యక్తి అన్నారు. గత నెలలో అధ్యక్ష భవనంలో విధులు నిర్వర్తిస్తోన్న సిబ్బందికి సంబంధించి కొత్త మార్గదర్శకాలను వైట్‌హౌస్ విడుదల చేసింది. గంజాయి తీసుకున్న ఉద్యోగులను అనర్హులుగా ప్రకటించమని పరోక్షంగా తెలిపింది. ఏది ఏమైనా అమెరికాలో ఈ నయా గంజాయి పాలసీ వివాదాస్పదం అయ్యే అవకాశాలు మెండుగా కనిస్తున్నాయి.


By March 20, 2021 at 09:05AM


Read More https://telugu.samayam.com/latest-news/international-news/us-white-house-employees-resign-after-past-marijuana-use/articleshow/81598926.cms

No comments