దుశ్యంత్.. అతనే నా అందాల రాకుమారుడు.. వైరల్ అవుతున్న సమంత సోషల్ మీడియా పోస్ట్
అక్కినేని కోడలు సోషల్ మీడియాలో ఎంత యాక్టివ్‌గా ఉంటుందో తెలిసిందే. ఎప్పటికప్పుడు తన సినిమా అప్‌డేట్స్ పోస్ట్ చేయడమే గాక వ్యక్తిగత విషయాలను షేర్ చేసుకునే ఈ ముద్దుగుమ్మ తాజాగా 'అతనే నా అందాల రాకుమారుడు' అంటూ ట్విట్టర్ వేదికగా ఓ వీడియో వదిలింది. ఇంకేముంది సామ్ చేసిన ఈ ట్వీట్ నెట్టింట వెంటనే వైరల్ అయింది. మరి ఆ అందాల రాకుమారుడు ఎవరు? ఇది నిజ జీవితానికి సంబంధించిందా లేక సినిమాకు సంబంధించిన విషయమా అనే దానిపై ఓ లుక్కేద్దామా. పెళ్లి తర్వాత సినిమాల పరంగా జోష్ పెంచిన సమంత.. మరికొద్ది రోజుల్లో గుణశేఖర్ దర్శకత్వంలో రూపొందనున్న '' సెట్స్ మీదకు వెళ్లనుంది. మహాభారతం.. ఆదిపర్వంలోని శాకుంతల, దుష్యంతుల ప్రేమకథ ఆధారంగా ఈ మూవీ రూపొందనుంది. ఇటీవలే దీనికి సంబంధించిన అధికారిక ప్రకటన ఇస్తూ శాకుంతలగా సమంత నటించనుందని పేర్కొన్నారు గుణశేఖర్. దీంతో మరి దుశ్యంతుడి క్యారెక్టర్ ఎవరిని వరిస్తుందనే దానిపై అందరి దృష్టి పడింది. ఈ నేపథ్యంలో తాజాగా తన అందాల రాకుమారుడు.. దుశ్యంత్ అంటూ 'శాకుంతలం' మూవీలో దుశ్యంతుడి పాత్ర ఎవరు చేస్తున్నారో రివీల్ చేసింది సామ్. ప్రముఖ మలయాళ నటుడు దుశ్యంతుడిగా నటించబోతున్నాడని పేర్కొంటూ ఓ షార్ట్ వీడియో షేర్ చేసింది. దీంతో ఈ వీడియో వైరల్ అయి 'శాకుంతలం' సినిమాలో సామ్ పక్కన నటించే నటుడి విషయమై జనాల్లో ఓ క్లారిటీ వచ్చేసింది. గుణశేఖర్ తెరకెక్కించనున్న ఈ భారీ మూవీతో తన కెరీర్‌లో మొదటిసారి పౌరాణిక పాత్ర పోషించబోతోంది సమంత. గ్రాఫిక్స్‌కి ప్రాధాన్యమిస్తూ అత్యున్నత సాంకేతిక విలువలతో ఈ సినిమా రూపొందించనున్నారట. ఈ చిత్రానికి మెలోడీ బ్రహ్మ మణిశర్మ సంగీతం అందించనున్నారు. అతి త్వరలో ఈ మూవీ రెగ్యులర్ షూటింగ్ ప్రారంభం కానుంది.
By March 07, 2021 at 11:19AM
No comments