పాక్‌కు మేడిన్ ఇండియా టీకా.. ‘గవీ’ ద్వారా కోవిషీల్డ్ సరఫరా
కోవిడ్-19 సంక్షోభం వేల భారత్ కీలక పాత్ర పోషిస్తోంది. దేశీయ అవసరాలను దృష్టిలో ఉంచుకుని పొరుగు దేశాలు, భాగస్వామి దేశాలకు కూడా వ్యాక్సిన్ సరఫరా చేయడానికి భారత్ ముందుకొచ్చింది.తాజాగా, పాకిస్థాన్‌కు భారత్‌లో ఉత్పత్తి అయిన కరోనా వైరస్ టీకా డోస్‌లు గవీ ద్వారా అందనున్నాయి. సీరమ్ ఇన్‌స్టిట్యూట్ ఉత్పత్తి చేసిన 16 మిలియన్ డోస్‌ల ఆక్స్‌ఫర్డ్- ఆస్ట్రాజెనెకా కోవిడ్-19 వ్యాక్సిన్ ఉచితంగా అందజేస్తున్నారు. తొలి దశ డోస్‌లు మార్చి మధ్యనాటికి పాకిస్థాన్‌కు చేరుకుంటాయి. మిగతావి జూన్ నాటికి అందజేయనున్నారు. ప్రపంచంలోని పేద దేశాలకు చెందిన చిన్నారులను ప్రాణాంతక వ్యాధులు, రుగ్మతల నుంచి కాపాడే టీకాలను పంపిణీచేసేందుకు 2000లో గవీని బిల్ అండ్ మిలిండా గేట్స్ ఫౌండేషన్ సహకారంతో ఏర్పాటు చేశారు.ఇప్పటికే భారత్ 65 దేశాలకు కోవిడ్-19 టీకాను పంపిణీ చేసింది. పలు దేశాలకు ఉచితంగా అందజేయగా.. మరికొన్ని దేశాలు డబ్బు చెల్లించి కొనుగోలు చేశాయి. శ్రీలంక, భూటాన్, మాల్దీవులు, బంగ్లాదేశ్, నేపాల్, మాయన్మార్, షీషెల్స్ సహా పలు దేశాలకు 56 లక్షల డోస్‌ల కోవిడ్ వ్యాక్సిన్ ఉచితంగా అందజేసింది. భారత్ టీకా అందజేసిన దేశాల్లో బంగ్లాదేశ్, మాయన్మార్, నేపాల్, భూటన్, మాల్దీవులు, మారిషస్, షీషెల్స్, శ్రీలంక, బహ్రెయిన్, బ్రెజిల్, మొరాకో, ఒమన్, ఈజిప్టు, అల్జీరియా, దక్షిణాఫ్రికా, కువైట్, అఫ్గనిస్థాన్, బార్బడోస్, డొమినికా, మెక్సికో, డొమినికన్ రిపబ్లిక్, సౌదీ అరేబియా, ఎల్ సాల్వెడార్, అర్జెంటీనా, సెర్బియా, ఐరాస ఆరోగ్య కార్యకర్తలు. మంగోలియా, ఉక్రెయిన్, ఘనా, ఐవరీ కోస్ట్, సెయింట్ లూసియా, సెంట్ కిట్స్ అండ్ నెవీస్, సెయింట్ విన్సెంట్ అండ్ గ్రెనడినైస్, సురినామ్, అంటిగ్వా అండ్ బార్బుడా, డీఆర్ కాంగో, అంగోలా, జాంబియా, నైజీరియా, కాంబోడియా, కెన్యా, లెసోథో, గునియా, జైమైకా, రువాండా, సా తోమే అండ్ ప్రిన్సిపే, సెనెగల్, గ్వాంటమాలా, కెనడా, మాలీ, సుడాన్, లైబీరియా, మాల్వీ, ఉండగా, యూకే, టోంగో, జిబౌట్, సోమాలియా, సియోర్రా లియోనే, బెలిజే, బోట్సవానా, మొజాంబిక్, ఇథియోపియా, తజికిస్థాన్. భారత్ బయోటెక్ కొవాగ్జిన్, ఆక్స్‌ఫర్డ్ టీకా టీకాలకు కేంద్రం ఆమోదం తెలపడంతో జనవరి 16 నుంచి వ్యాక్సినేషన్ ప్రారంభమయ్యింది. ఇదిలా ఉండగా, మార్చి 9న 24 గంటల్లో 20 లక్షల మందికి టీకా వేసినట్టు కేంద్ర ఆరోగ్య శాఖ వెల్లడించింది.
By March 10, 2021 at 07:06AM
No comments