Uppena: వైష్ణవ్ తేజ్ నన్ను అడిగిఉంటే ఉప్పెన చేయొద్దనేవాడిని.. అన్ని కోట్లు పెట్టేవాడిని కాదు: నాగబాబు రియాక్షన్
మెగా హీరో వైష్ణవ్ తేజ్ నటించిన ‘’ చిత్రం శుక్రవారం నాడు విడుదలై హిట్ టాక్‌ను సొంతం చేసుకుంది. సుకుమార్ ప్రియ శిష్యుడు బుచ్చిబాబు ఈ చిత్రంతో దర్శకుడిగా పరిచయం కాగా.. తొలి సినిమాతోనే హిట్ అందుకున్నారు. హీరోయిన్ కృతిశెట్టికి కూడా ఇదే తొలిచిత్రం కావడంతో ఆమె క్యూట్ లుక్స్, పెర్ఫామెన్స్‌ ప్రేక్షకుల్ని ఫిదా చేసింది. ఇక విజయ్ సేతుపతి ప్రతినాయకుడిగా ఏటీ.. అంటూ థియేటర్‌లో బెంబేలెత్తించి ‘ఉప్పెన’ చిత్రానికి వెన్నుదన్నుగా నిలిచారు. దేవి శ్రీ ప్రసాద్ మ్యూజిక్‌తో మెస్మరైజ్ చేశారు. మొత్తంగా ఉప్పెన చిత్రం విజయంతో మెగా అభిమానులే కాకుండా మెగా హీరోలు సైతం ఫుల్ ఖుషీలో ఉన్నారు. తమ ఫ్యామిలీ నుంచి వచ్చిన హీరో వైష్ణవ్.. తొలి చిత్రంతోనే విజయాన్ని అందుకోవడంతో ప్రేక్షకులతో ఆనందాన్ని పంచుకున్నారు . శుక్రవారం నాడు హైదరాబాద్‌లోని AMB మాల్‌లో ఉప్పెన చిత్రాన్ని ప్రేక్షకులతో కలసి వీక్షించారు నాగబాబు. సుమారు ఏడాది తరువాత థియేటర్‌లో సినిమా ఆనందాన్ని ప్రేక్షకులతో పంచున్నారు. ఆయన మాట్లాడుతూ.. మా ఇంట్లో అందరి కంటే చిన్నవాడు వైష్ణవ్ తేజ్.. ఈ సినిమా ప్రివ్యూ చూద్దాం అని అనుకున్నా.. కానీ నిహారిక ఈ సినిమా థియేటర్‌లోనే చూడాలి అని టికెట్స్ తీసి నన్ను థియేటర్‌కి పంపించింది. ఈ సినిమా చూసిన తరువాత చాలా డిఫరెంట్ ఫిల్మ్ అనిపించింది. ఇలాంటి కంటెంట్‌ని ఒప్పుకోవడమే పెద్ద టాస్క్. ఇంతకంటే రిస్క్ మరోటి ఉండదు. తొలి చిత్రంతోనే పెద్ద రిస్క్ చేశాడు. ఒక నటుడిగా ఇంతకంటే రిస్క్ మళ్లీ చేయలేడు. అలాగే ప్రొడ్యుసర్ గట్స్‌కి నేను షాక్ అయ్యా. ఇంత రిస్క్ కంటెంట్‌ని స్క్రీన్ మీదికి తీసుకురావాలనే వాళ్ల ఆలోచన చాలా ధైర్యంతో కూడుకున్నది. ఒకవేళ నేనే ప్రొడ్యుసర్‌ని అయ్యి ఉంటే మాత్రం ఈ సినిమాని చేసి ఉండేవాడిని కాదు. ఈ రిస్క్ కంటెంట్‌ని టచ్ చేసేవాడినే కాదు. ఎందుకు రిస్క్ అంటున్నా అంటే.. డూ ఆర్ డై కంటెంట్. కోట్లతో కూడిన వ్యవహారం ఇది.. ఇంత రిస్క్ చేయాల్సిన అవసరం లేదు. కానీ వాళ్ల టేస్ట్ నాకు బాగా నచ్చింది. అలాగే కెరియర్‌లో వైష్ణవ్‌కి ఫస్ట్ పిక్చర్ ఇది.. ఒకవేళ ఈ సినిమా కంటెంట్ వైష్ణవ్ కనుక నాకు చెప్పిఉంటే.. నూటికి నూరు శాతం చేయొద్దని చెప్పేవాడిని. ఎంత పెద్ద కథ అయినా చేయొచ్చు కానీ.. ఇలాంటి కథ చేయాల్సిన అవసరం లేదు వైష్ణవ్ అని చెప్పేసి ఉండేవాడిని. ఎవరైనా కొత్తగా వచ్చే వాళ్లు ముందు హీరోగా నిలదొక్కుకుని ఆ తరువాత రిస్క్‌లు ప్రయోగాలు చేస్తారు. కానీ వైష్ణవ్ తొలి చిత్రంతోనే చాలా రిస్క్ చేశాడు’ అంటూ చెప్పుకొచ్చారు మెగా బ్రదర్ నాగబాబు.
By February 13, 2021 at 08:15AM
No comments