Breaking News

ఆస్ట్రేలియా ప్రభుత్వం, మీడియాకు షాక్ ఇచ్చిన ఫేస్‌బుక్!


సోషల్ మీడియా దిగ్గజం ఫేస్‌బుక్‌ ఆస్ట్రేలియా ప్రభుత్వం, అక్కడ మీడియా సంస్థలకు ఊహించని షాక్ ఇచ్చింది. తమ వేదిక ద్వారా ఆస్ట్రేలియా మీడియా కథనాలను షేర్ చేయడాన్ని బుధవారం రాత్రి నుంచి నిలిపివేసింది. ఆస్ట్రేలియాలోని వార్తా కథనాలకు సంబంధించి ఆయా వార్తాసంస్థలకు ఫేస్‌బుక్, గూగుల్‌ డబ్బులు చెల్లించేలా ఆ దేశం కొత్త చట్టం తీసుకొచ్చే ప్రయత్నాలు చేస్తోంది. దీనిని ఫేస్‌బుక్, గూగుల్ తీవ్రంగా వ్యతిరేకిస్తున్నాయి. గత డిసెంబరులో ఈ బిల్లును పార్లమెంట్‌లో ప్రవేశపెట్టగా.. సెనెట్‌ ఎకనమిక్స్‌ లెజిస్టేషన్‌ కమిటీ ఎలాంటి మార్పులు అవసరం లేదని నివేదిక ఇచ్చింది. ఈ నేపథ్యంలో ఆస్ట్రేలియాలో వార్తలను తమ వేదికపై షేర్ చేయడాన్ని ఫేస్‌బుక్ నిషేధించింది. అయితే ఈ చర్యల ప్రభావం అత్యవసర సేవల పేజీలపై పడింది. గురువారం ఉదయం నుంచి ఆస్ట్రేలియన్ మీడియా సంస్థలు ఫేస్‌బుక్ పేజ్‌ల ద్వారా న్యూస్ ఆర్టికల్స్ షేర్ చేయడాన్ని నిలిపివేసింది. ఇది ఫైర్, ఆరోగ్యం, వాతావరణం, పలు అత్యవసర విభాగాలను తీవ్రంగా ప్రభావితం చేసింది. అత్యవసర సేవలకు అంతరాయం ఏర్పడటంతో ఈ పరిస్థితిని త్వరగా పరిష్కరించాలని నెటిజన్లు ఆగ్రహం వ్యక్తం చేస్తున్నారు. దీనిపై ఫేస్‌బుక్ అధికార ప్రతినిధి మాట్లాడుతూ.. ప్రభుత్వ అధికారిక ఖాతాలపై ఈ ప్రభావం లేదని, అనుకోకుండా ఏదైనా అకౌంట్లు ప్రభావితమైతే సరిచేస్తామని అన్నారు. ఇది స్వచ్ఛంద సంస్థలు, స్వదేశీ పేజీలు, ఫేస్‌బుక్ సొంత పేజీపై కూడా ప్రభావం చూపింది.. ఇది భయంకరమైన, ప్రమాదకరమైన సంఘటనల మలుపుగా మానవహక్కుల ఆస్ట్రేలియా విభాగం డైరెక్టర్ ఎలైనే పీయర్సన్ అభివర్ణించారు. ఆస్ట్రేలియన్లకు సమాచార తీవ్రంగా పరిమితం చేసి, సెన్సార్ చేస్తోందని ఆమె అన్నారు. మొత్తం దేశానికి కీలకమైన సమాచారాన్ని అందజేసే సాధానాన్ని రాత్రికి రాత్రే నిలిపివేయడం అనాలోచితం అని వ్యాఖ్యానించారు. మీడియా సంస్థలు, ఆస్ట్రేలియా ప్రభుత్వం కూడా ఈ అంశాన్ని లేవనెత్తాయి. గుర్తింపు పొందిన వార్తా వనరులను నిరోధించడం తప్పుడు సమాచారం విస్తరించడానికి వీలు కల్పిస్తుందని ఆందోళన వ్యక్తం చేశాయి. తప్పుడు సమాచారం, కుట్ర సిద్ధాంతాలను క్రమం తప్పకుండా ప్రోత్సహించే అనేక ఫేస్‌బుక్ పేజీలు నిషేధం ద్వారా ప్రభావితం కాలేదు. ‘సంపాదకీయ విధానాలు, వాస్తవ తనిఖీ ప్రక్రియలతో ప్రొఫెషనల్ జర్నలిస్టులను నియమించే సంస్థల పేజీలను నిరోధించడంలో చాలా జాగ్రత్తగా ఆలోచించాల్సిన అవసరం ఉంది’ అని కమ్యూనికేషన్స్ మంత్రి పాల్ ఫ్లెచర్ చెప్పారు.


By February 18, 2021 at 10:05AM


Read More https://telugu.samayam.com/latest-news/international-news/facebook-blocks-news-sharing-in-australia-over-media-law/articleshow/81083255.cms

No comments