పెళ్లిలో చాలా చీటింగ్ జరిగింది.. సునీత భర్త రామ్ వీరపనేని షాకింగ్ కామెంట్స్

ఇటీవలే సింగర్ రెండో పెళ్లి చేసుకున్న సంగతి తెలిసిందే. బిజినెస్‌మెన్ రామ్‌ వీరపనేనిని ఆమె పెళ్లాడింది. ఈ పెళ్లి వ్యవహారం తాలూకు సంగతులు, ఫొటోలు సోషల్ మీడియాలో తెగ వైరల్ అయ్యాయి. సునీత పెళ్లి గురించి పలు రకాలుగా కామెంట్స్ కూడా వినిపించడంతో ఈ పెళ్లి సంగతులు నేటికీ చర్చల్లో నిలుస్తున్నాయి. ఈ నేపథ్యంలో తాజాగా పెళ్లయ్యాక మొదటిసారి ఇద్దరూ ఓ మీడియాతో ముచ్చటిస్తూ పలు ఆసక్తికర సంగతులు పంచుకున్నారు. ప్రేమికుల రోజు సందర్భంగా రామ్- సునీత జోడీని స్పెషల్‌గా ఇంటర్వ్యూ చేసింది యాంకర్ సుమ. ఆ ఇద్దరికీ వ్యక్తిగతంగా కూడా సుమ చాలా సన్నిహితురాలు కావడంతో ఈ జోడీ చాలా ఓపెన్‌గా మాట్లాడారు. ఈ క్రమంలో పెళ్లి తంతు గురించి మాట్లాడుతూ రామ్ ఓ విషయాన్ని రివీల్ చేశారు. పెళ్లిలో బిందెలో ఉంగరాలు వేసి తీసే సమయంలో చాలా చీటింగ్ చేశారని, ఆడవాళ్లంతా మీదపడి తన చేతిని లాగేశారని ఆయన చెప్పుకొచ్చారు. దీంతో వారంతా తన చెలికత్తెలంటూ సునీత పంచ్ వేయడం వీడియోలో హైలైట్ అవుతోంది. ప్రస్తుతం వదిలింది ప్రోమో వీడియో మాత్రమే. మరి ఫుల్ వీడియోలో ఇంకెన్ని విషయాలు బయటపడతాయో చూడాలి. 19 ఏళ్ల వయసులోనే మొదటి విహాహం చేసుకున్న సింగర్ సునీత.. ఇద్దరు పిల్లలు పుట్టాక భర్తతో విభేదాలు తలెత్తి విడాకులు తీసుకుంది. ఆ తర్వాత పిల్లల బాధ్యతను పూర్తిగా తీసుకొని వాళ్లను పెంచి పెద్ద చేసింది. ఇప్పుడు 43 ఏళ్ల వయసులో వ్యాపార వేత్త రామ్‌ వీరపనేనిని రెండో విహాహం చేసుకొని ఇలా నిత్యం వార్తల్లో నిలుస్తోంది.

By February 14, 2021 at 12:34PM

Read More https://telugu.samayam.com/telugu-movies/cinema-news/singer-sunitha-husband-ram-veerapaneni-comments-on-their-marriage/articleshow/80906689.cms