Krack సెన్సార్ పూర్తి.. పుచ్చ పేలిపోద్ది అంటూ సంక్రాతికి ముందే దిగుతున్న రవితేజ

మాస్ మహారాజ్ లేటెస్ట్ మూవీ ''ని సంక్రాంతికి విడుదల చేస్తామని ప్రకటించిన చిత్రయూనిట్.. తాజాగా ఆ డేట్‌ని ఇంకాస్త ముందుకు తీసుకొచ్చింది. 'షూర్‌ షాట్‌.. నో డౌట్‌.. పుచ్చ పేలిపోద్ది' అంటూ మాస్‌ డైలాగ్‌తో ట్రెండ్‌ సృష్టించిన రవితేజ.. మాస్ ఆడియన్స్‌ని యమ అట్రాక్ట్ చేశారు. చిత్ర ప్రమోషన్స్‌లో భాగంగా విడుదలైన టీజర్, ట్రైలర్ భారీ రెస్పాన్స్ తెచ్చుకున్నాయి. అయితే సంక్రాంతి రేస్‌లో ఈ చిత్రాన్ని ఉంచిన దర్శకనిర్మాతలు జనవరి 14న విడుదల చేయాలని భావించారు. కానీ రవితేజ సినిమా కోసం జనాల్లో ఉన్న ఆతృతను పసిగట్టి ఆ డేట్ ఇంకాస్త ముందుకు జరిపారు. జనవరి 9వ తేదీన 'క్రాక్' సినిమా విడుదల కానుందని తాజాగా ప్రకటించారు. అన్ని కార్యక్రమాలు పూర్తి చేసుకున్న ఈ చిత్రానికి తాజాగా సెన్సార్‌ బోర్డు నుంచి యూ/ఏ సర్టిఫికెట్‌ వచ్చింది. గోపీచంద్ మలినేని దర్శకత్వంలో రూపొందిన ఈ సినిమాను సరస్వతి ఫిలింస్ డివిజన్ బ్యానర్‌పై బి.మధు నిర్మించారు. చిత్రంలో రవితేజ సరసన శృతి హాసన్ హీరోయిన్‌గా నటించగా.. స‌ముద్రఖని, వ‌ర‌ల‌క్ష్మీ శ‌ర‌త్‌కుమార్ కీలక పాత్రలు పోషించారు. హై ఓల్టేజ్ యాక్ష‌న్ ఎంట‌ర్‌టైన‌ర్‌గా ప్రేక్షకుల ముందుకు రాబోతున్న ఈ సినిమాలో రవితేజ పవర్‌ఫుల్ పోలీస్ ఆఫీసర్‌ పోతరాజు శంకర్‌ పాత్ర పోషిస్తున్నారు. న్యూ ఇయ‌ర్ కానుక‌గా విడుదలైన క్రాక్ ట్రైలర్ కేవలం 24 గంటల్లోనే 7 మిలియన్ వ్యూస్ రాబట్టడమే గాక 2 లక్షల మేర లైక్స్ సాధించి రవితేజ కెరీర్ లోనే హైయెస్ట్ రెస్పాన్స్ తెచ్చుకున్న ట్రైలర్‌గా రికార్డు నెలకొల్పింది. ఈ ట్రైలర్ చూశాక సినిమాపై రవితేజ అభిమానుల్లో ఉన్న అంచనాలు రెట్టింపయ్యాయి.

By January 03, 2021 at 11:51AM

Read More https://telugu.samayam.com/telugu-movies/cinema-news/ravi-tejas-krack-release-date-announced/articleshow/80080732.cms