Check First Glimps: జైల్లో ఖైదీగా నితిన్.. చెక్ పెట్టేస్తూ టాలెంట్ బయటపెట్టేశాడు
కొన్నేళ్లుగా సరైన హిట్స్ లేక సతమతమైన యంగ్ హీరో 'భీష్మ' మూవీతో తిరిగి ట్రాక్ ఎక్కారు. ఈ సినిమాలో నితిన్ జోష్ చూశాక ఆయనకు వరుస అవకాశాలిచ్చారు దర్శకనిర్మాతలు. ఈ నేపథ్యంలోనే ఈ హీరో చేస్తున్న డిఫరెంట్ మూవీ ''. భవ్య క్రియేషన్స్ బ్యానర్‌పై చంద్రశేఖర్ యేలేటి దర్శకత్వంలో రూపొందుతున్న ఈ సినిమా షూటింగ్ చేస్తూనే ప్రమోషన్స్ చేస్తున్నారు మేకర్స్. ఇందులో భాగంగా తాజాగా 'చెక్' ఫస్ట్ గ్లింప్స్‌ రిలీజ్ చేశారు. కేవలం 41 సెకనుల నిడివితో కట్ చేసిన ఈ ఫస్ట్ గ్లింప్స్‌లో నితిన్ జైలు గదిలో ఖైదీగా కనిపించాడు. 'జైల్లో ఆదిత్య అనే ఖైదీ చెస్ అద్భుతంగా ఆడుతున్నాడు' అనే అని చెబుతూ ఈ వీడియో స్టార్ట్ అయింది. ఆ తర్వాత న్యాయమూర్తి ఆదిత్యకు ఉరిశిక్ష విధిస్తూ తీర్పు ఇవ్వడం, పోలీస్‌ అధికారి నితిన్‌ని 'దేశద్రోహి' అనడం ఆసక్తిరేకెత్తిస్తోంది. మొత్తానికైతే ఈ చిన్న వీడియో సినిమాపై ప్రేక్షకుల్లో ఆతృత పెంచేసిందని చెప్పుకోవచ్చు. అలాగే ఇందులో నితిన్ అద్భుతమైన నటనను చూడబోతున్నామని స్పష్టమవుతోంది. నితిన్ కెరీర్‌లో 28వ సినిమాగా ఈ మూవీ ప్రేక్షకుల ముందుకు రానుంది. ఈ చిత్రంలో నితిన్ సరసన రకుల్ ప్రీత్‌ సింగ్‌, ప్రియాప్రకాష్‌ వారియర్‌ హీరోయిన్లుగా నటిస్తున్నారు. ఖైదీగా నితిన్‌ని చూపిస్తూ ఆయనకు చెస్ ఆడే టాలెంట్ ఉండటాన్ని డైరెక్టర్ ఎలా ప్రెజెంట్ చేశారనేది ఈ మూవీలో ఇంట్రెస్టింగ్ పాయింట్. ఈ డిఫరెంట్ మూవీపై నితిన్ ఫ్యాన్స్ భారీ అంచనాలు పెట్టుకున్నారు.
By January 03, 2021 at 12:29PM
No comments