ఉరేసుకుని మహిళా ఎస్ఐ ఆత్మహత్య.. సూసైడ్ నోట్‌లో ఏముందంటే!
ఉత్తరప్రదేశ్‌లో విషాదకర ఘటన జరిగింది. బులంద్‌షహర్‌ జిల్లాలోని అనూప్‌ షహర్‌ పోలీస్‌‌స్టేషన్‌లో పనిచేస్తున్న ఆర్జూ పవార్‌(30) అనే మహిళా ఎస్ఐ ఆత్మహత్య చేసుకున్నారు. తాను అద్దెకుంటున్న ఇంట్లోనే శుక్రవారం ఆమెకు ఉరేసుకుని బలవన్మరణానికి పాల్పడ్డారు. శుక్రవారం ఆమె ఎంతసేపటికీ బయటికి రాకపోవడంతో అనుమానం వచ్చిన ఇంటి యజమానురాలు కిటికీలో నుంచి చూడగా అర్జూ ఫ్యాన్‌కు వేలాడుతూ కనిపించింది. ఇంటి ఓనర్ ఇచ్చిన సమాచారంతో పోలీసులు వెంటనే ఘటనా స్థలానికి చేరుకుని పరిశీలించారు. ఆర్జూ మృతదేహాన్ని ప్రభుత్వాసుపత్రికి తరలించి పోస్టుమార్టం నిర్వహించారు. ఆమె గదిలో సూసైడ్ నోట్ స్వాధీనం చేసుకున్న పోలీసులు కేసు నమోదు చేసుకుని దర్యాప్తు చేపట్టారు. ‘నా చావుకు నేనే కారణం’ అని ఆర్జూ సూసైడ్ నోట్‌లో పేర్కొన్నట్లు పోలీసులు తెలిపారు. ఈ కేసులో మృతురాలి కుటుంబ సభ్యులతో పాటు ఆమె సన్నిహితులను కూడా విచారిస్తున్నామని, అన్ని కోణాల్లో దర్యాప్తు చేస్తున్నామని పోలీసులు పేర్కొన్నారు.
By January 02, 2021 at 03:29PM
No comments