Breaking News

Alludu Adhurs: నేను తెలుగు అల్లుడ్ని.. నా భార్యది ఇక్కడే: సోనూసూద్ స్పీచ్ అదుర్స్


ప్రీ రిలీజ్ వేడుకలు.. సక్సెస్ మీట్‌లు జరిగితే.. ఈ చిత్రంలోని హీరో మాట్లాడుతున్నంత సేపూ ఈలలు గోలలుతో రచ్చ రచ్చ చేసి తమ ఆనందాన్ని తెలియజేస్తుంటారు అభిమానులు. అయితే ఈ మధ్య కాలంలో ఒక విలన్ మాట్లాడుతుంటే ప్రేక్షకుల హర్షధ్వానాలతో మారుమోగిపోతుంది. ఆయన ఎవరో కాదు రియల్ హీరో . శనివారం నాడు జరిగిన ‘’ సక్సెస్ మీట్‌లోనూ ఇదే జరిగింది. ఆయన మాట్లాడుతున్నంత సేపూ చప్పట్ల మోత మోగింది. హీరోకి కూడా లభించనంత ఆదరణ ఈయనకు లభించింది. కరోనా వైరస్ విజ‌ృంభిస్తున్న నేపథ్యంలో ఎన్నో సేవా కార్యక్రమాలు చేపట్టి రియల్ హీరో అనిపించారు సోనూసూద్. వలస కూలీలకు అండగా నిలిచి కోట్లాది రూపాయలు ఖర్చుచేసి ఎంతో మంది అభాగ్యుల జీవితాల్లో వెలుగులు నింపారాయన. సినిమాల్లో ప్రతినాయకుడి పాత్రల్లో కనిపించినా రియల్ లైఫ్‌లో మాత్రం మనసున్న మారాజు అనిపించిన సోనూసూద్‌ తెలుగు సినిమాల్లో నటించడమే కాదు.. తెలుగు వారితో మంచి అనుబంధమే ఉంది. తాను తెలుగు అల్లుడ్ని అంటూ ఆసక్తికరమైన విషయాన్ని ప్రేక్షకులతో పంచుకున్నారు. బెల్లంకొండ సాయి శ్రీనివాస్, నభా నటేష్ హీరో హీరోయిన్లుగా నటించిన ‘అల్లుడు అదుర్స్’ చిత్రంలో విలన్‌గా నటించారు సోనూసూద్. ఈ మూవీ సంక్రాంతి కానుకగా.. జనవరి 14న విడుదలైంది. ఈ చిత్రానికి మిశ్రమ స్పందన వస్తుండగా.. తాజాగా ఈ చిత్ర సక్సెస్ మీట్ ఏర్పాటు చేసింది చిత్ర యూనిట్. ఈ సందర్భంగా వేదికపై మాట్లాడిన సోనుసూద్‌ తెలుగు వారితో ఉన్న అనుబంధాన్ని గుర్తు చేసుకున్నారు. ‘నేను బాలీవుడ్‌, తమిళ ఇలా ఏ ఇండస్ట్రీకి సంబంధించిన వేదికపై ఉన్నా తెలుగు ఇండస్ట్రీనే నాకు మొదటి లవ్ అని కచ్చితంగా చెప్పగలను. నేను సినిమాల్లో నేర్చుకుంది ఏదైనా ఉందంటే అది తెలుగు ఇండస్ట్రీ ద్వారానే. కాబట్టి తెలుగు సినిమాకు నా ధన్యవాదాలు. తెలుగు సినిమాతోనే తెలుగు వారితో నాకు అనుబంధం ఉంది.. తెలుగు వారు నాకు ఫ్యామిలీ. ఎందుకంటే నా భార్య తెలుగు అమ్మాయి.. కాబట్టి నేను తెలుగు అల్లుడిని’ అంటూ చెప్పుకొచ్చారు. ఇక అల్లుడు అదుర్స్ సినిమా గురించి మాట్లాడుతూ.. నిర్మాత బెల్లంకొండ సురేష్‌తో పనిచేయడం చాలా హ్యాపీగా ఉంది.. ఆయన మంచి వ్యక్తిత్వం ఉన్న వ్యక్తి.. మీరు కథ చెప్పకున్నా.. స్క్రిప్ట్ వివరించకున్నా పర్లేదు.. ఫోన్‌ చేసి సోనూ సినిమా ఉంది రా.. అంటే నేను వచ్చేస్తా.. ఎందుకంటే మీరంటే అంత ఇష్టం నాకు. ఈ సినిమా దర్శకుడు సంతోష్ శ్రీనివాస్‌తో జర్నీ కొనసాగుతుంది. కందిరీగ, అల్లుడు అదుర్స్‌తో మంచి సినిమాలు ఇచ్చారు. బెల్లంకొండ శ్రీనివాస్ చాలా టాలెంటెడ్. మంచి హార్డ్ వర్కర్. ఇతను బాలీవుడ్‌లోకి స్వాగతం పలుకుతున్నాం.. బ్రహ్మాజీ అయితే సెట్‌కి ఎప్పుడూ లేట్ వచ్చేవాడు ఫంక్షన్‌కి కూడా లేట్‌గా వచ్చాడు ఇతన్ని అడ్రస్ చేయడం మరిచిపోయా (నవ్వుతూ) . ఈ సినిమాలో పనిచేసిన అందరికీ శుభాకాంక్షల్ని తెలియజేస్తున్నా’ అంటూ స్పీచ్ ముగించారు సోనూసూద్.


By January 17, 2021 at 09:28AM


Read More https://telugu.samayam.com/telugu-movies/cinema-news/real-hero-sonu-sood-speech-at-alludu-adhurs-success-celebrations/articleshow/80310279.cms

No comments