మాస్టర్ డే 2 కలెక్షన్స్.. సంక్రాంతి రేస్‌లో విజయ్ హవా ఎలా ఉందంటే..!

తమిళ సూపర్ స్టార్, హీరో విజయ్ 'మాస్టర్' అంటూ భారీ ఎత్తున రంగంలోకి దిగారు. పొలిటికల్ డ్రామా నేపథ్యంతో లోకేశ్ కనగరాజ్ దర్శకత్వంలో తెరకెక్కిన ఈ సినిమా జనవరి 13వ తేదీన విడుదలై డీసెంట్ కలెక్షన్స్ రాబడుతోంది. తొలిరోజే సక్సెస్ టాక్ రావడంతో ఓపెనింగ్ అదిరింది. ఇక రెండో రోజు కూడా అదే బాటలో వెళ్లి చెప్పుకోదగిన కలెక్షన్స్ రాబట్టింది మూవీ. ముఖ్యంగా తమిళనాడుతో రెండు తెలుగు రాష్ట్రాల్లో ఈ సినిమా హవా కనిపించింది. తమిళనాడులో మాస్టర్ మూవీ ఫస్ట్ డే దాదాపు 23 కోట్ల రూపాయలు వసూలు చేసి రికార్డు క్రియేట్ చేయగా.. రెండో రోజు కూడా అదే హవా కొనసాగిస్తూ దాదాపు 15.5 కోట్ల రుపాయల గ్రాస్ వసూలు చేసింది. దీంతో మొత్తంగా ఒక్క తమిళనాడు రాష్ట్రంలోనే 40 కోట్ల మార్క్ దాటింది మాస్టర్. ఇక రెండు తెలుగు రాష్ట్రాల్లో తొలి రోజు ముగిసే సరికి 5. 74 కోట్ల రూపాయల గ్రాస్ వసూలు చేసిన ఈ మూవీ, రెండో రోజు కాస్త తగ్గి 4 కోట్ల వరకు రాబట్టింది. అన్ని చోట్లా సంక్రాంతి సందర్భంగా 14వ తేదీన పలు సినిమాలు విడుదల కావడంతో మాస్టర్ కలెక్షన్లు కొంతమేర తగ్గినట్లు చెబుతున్నారు ట్రేడ్ పండితులు. ఈ సినిమాలో విజయ్ సరసన మాళవికా మోహనన్ హీరోయిన్‌గా నటించగా.. విజయ్ సేతుపతి కీలక పాత్ర పోషించారు. ఇద్దరు స్టార్స్ ఒకేతెరపై కనిపించడం సినిమాకు బాగా ప్లస్ అయింది. ఈ మేరకు అదిరిపోయే ఓపెనింగ్స్ రాబట్టిన మాస్టర్ రెండో రోజు కూడా దాదాపు అదే హవా కొనసాగించడం విశేషం.

By January 15, 2021 at 11:09AM

Read More https://telugu.samayam.com/telugu-movies/cinema-news/vijay-master-movie-2-days-collections-report/articleshow/80280390.cms