Breaking News

13ఏళ్ల బాలుడికి లింగ మార్పిడి చేయించి పైశాచికం.. ఢిల్లీలో హిజ్రా వేషగాళ్ల దాష్టీకం


దేశ రాజధాని ఢిల్లీలో అత్యంత దారుణమైన, హేయమైన ఘటన వెలుగులోకి వచ్చింది. 13 ఏళ్ల బాలుడికి బలవంతంగా లింగమార్పిడి ఆపరేషన్ చేయించిన కొందరు దుర్మార్గులు కొద్ది నెలలుగా అత్యాచారానికి పాల్పడుతున్నారు. గీతా కాలనీలో జరిగిన ఈ ఘటన గురించి మహిళా కమిషన్‌కు ఫిర్యాదు అందడంతో పోలీసులు కేసు నమోదు చేసి దర్యాప్తు చేస్తున్నారు. బాధితుడు, మహిళా కమిషన్ కథనం ప్రకారం... మూడేళ్ల క్రితం హిజ్రాల వేశంలో ఉన్న కొందరు వ్యక్తులు ఓ డ్యాన్స్‌ ఈవెంట్‌లో బాలుడిని పరిచయం చేసుకున్నారు. అతడిపై కన్నేసిన నిందితులు డ్యాన్స్ నేర్పిస్తాం రమ్మంటూ మండవలి ప్రాంతానికి పిలిపించారు. అలా డ్యాన్స్ నేర్చుకోవడానికి బాలుడు వారి వద్దకు వెళ్లడం మొదలుపెట్టాడు. అప్పుడప్పుడూ అతడికి కొంత డబ్బులు కూడా ఇచ్చేవారు. కొద్దిరోజుల తర్వాత అతడికి డ్రగ్స్ ఇచ్చి మత్తులోకి జారుకున్నాక లైంగిక దాడికి పాల్పడేవారు. ఆ తర్వాత బలవంతంగా లింగ మార్పిడి చేయించి హార్మోన్ ఇంజెక్షన్లు ఇచ్చేశారు. దీంతో కొన్నాళ్లగా అతడు పూర్తిగా అమ్మాయిగా మారిపోయాడు. ఆ తర్వాత అతడిని సెక్స్ బానిసగా చేసుకుని కొద్ది నెలల పాటు సామూహిక లైంగిక దాడికి పాల్పడ్డారు. విటులను కూడా తీసుకొచ్చి వ్యభిచారం చేయించేవారు. అంతటితో ఆగకుండా ట్రాఫిక్ సిగ్నల్స్ వద్ద బిక్షమెత్తుకోవాలని వేధించేవారు. తాము చెప్పిన మాట వినకపోతే కుటుంబసభ్యులను చంపేస్తామని బెదిరించేవారు. Also Read: గతేడాది మార్చిలో ఆ దుర్మార్గుల బారి నుంచి తప్పించుకున్న బాలుడు ఎట్టకేలకు తన తల్లిని కలుసుకున్నాడు. ఈ విషయం తెలుసుకున్న ఆ కామాంధులు అతడిని మళ్లీ ఎత్తుకెళ్లి అత్యాచారానికి పాల్పడ్డారు. కొద్దిరోజుల తర్వాత బాధితుడు మరో బాలుడితో కలిసి తప్పించుకుని ఢిల్లీ రైల్వేస్టేషన్‌కు చేరుకున్నాడు. అక్కడ వీరిని చూసిన ఓ న్యాయవాది చేరదీసి ఢిల్లీ మహిళా కమిషన్‌కు అప్పగించడంతో ఈ దారుణ ఘటన వెలుగులోకి వచ్చింది. దీంతో కమిషన్ సభ్యులు పోలీసులకు ఫిర్యాదు చేయగా నిందితులపై పోక్సో చట్టంలోని వివిధ సెక్షన్ల కింద కేసులు నమోదు చేశారు.


By January 16, 2021 at 08:03AM


Read More https://telugu.samayam.com/latest-news/india-news/delhi-horror-minor-boy-forced-to-change-gender-and-then-gangraped-for-7-months/articleshow/80296248.cms

No comments