గాఢనిద్రలో ఉన్న భర్త.. కత్తితో 12సార్లు పొడిచి చంపిన భార్య, ఫేస్‌బుక్‌‌లో సూసైడ్ నోట్

కుటుంబ కలహాలతో కట్టుకున్న భర్తను కత్తితో దారుణంగా పొడిచి చంపేసిందో మహిళ. అతడి శరీరంపై 12 కత్తిపోట్లు ఉన్నట్లు తేలడంతో పోలీసులే షాకయ్యారు. ఈ ఘటన దేశ రాజధాని ఢిల్లీలో వెలుగుచూసింది. హర్యానాలోని యమునా నగర్ నివాసి చిరాగ్ వర్మ(37), మధ్యప్రదేశ్ రాష్ట్రంలోని ఉజ్జయినికి చెందిన రేణుక (36) ఒకే ఢిల్లీలోని ఓ బీమా సంస్థలో పనిచేసేవారు. ఈ క్రమంలోనే ఇద్దరి మధ్య ప్రేమ చిగురించి కొన్నాళ్ల క్రితం వివాహ బంధంతో ఒక్కటయ్యారు. ప్రస్తుతం ఢిల్లీలోని ఛత్తర్పూర్ ప్రాంతంలో వీరు నివాసముంటున్నారు. Also Read: పెళ్లయి చాలాకాలమైనా పిల్లలు లేకపోవడంతో దంపతుల మధ్య గొడవలు జరుగుతున్నాయి. ఈ నేపథ్యంలోనే శనివారం రాత్రి భార్యతో గొడవ పడిన శర్మ గదిలో నిద్రపోయాడు. భర్తపై కోపంతో రగిలిపోయిన రేణుక అర్ధరాత్రి సమయంలో వంటగదిలోని కత్తి తీసుకుని భర్తను 12సార్లు విచక్షణా రహితంగా పొడిచేసింది. అనంతరం తానూ ఆత్మహత్యాయత్నం చేసింది. అంతకుముందు తన సూసైడ్ నోట్‌ను ఫేస్‌బుక్‌లో పోస్ట్ చేసింది రేణుక. దీంతో ఆమె ఫేస్‌బుక్ స్నేహితులు, బంధువులు అప్రమత్తమై ఇంటి యజమానికి సమాచారమిచ్చారు. Also Read: అతడు వెళ్లి తలుపు తట్టగా ఎవరూ తీయలేదు. దీంతో ఇంటి యజమాని వెంటనే పోలీసులకు సమాచారమిచ్చాడు. పోలీసులు సంఘటనా స్థలానికి చేరుకుని తలుపులు పగులగొట్టి చూసేసరికి దంపతులిద్దరూ అపస్మారక స్థితిలో ఉన్నారు. ఇద్దరినీ అంబులెన్స్‌లో తరలిస్తుండగా శర్మ ప్రాణాలు కోల్పోయాడు. ప్రస్తుతం రేణుక పరిస్థితి విషమంగా ఉన్నట్లు డాక్టర్లు తెలిపారు. ఈ ఘటనపై కేసు నమోదు చేసుకుని దర్యా్ప్తు చేస్తున్నట్లు పోలీసులు తెలిపారు. Also Read:

By January 04, 2021 at 12:31PM

Read More https://telugu.samayam.com/latest-news/crime/woman-stabs-husband-in-delhi-shares-facebook-post-before-attempting-suicide/articleshow/80093150.cms