మహిళ కారు రివర్స్ బీభత్సం.. షాకింగ్ ఘటన
మహిళ కారు రివర్స్ చేస్తూ బీభత్సం సృష్టించిన షాకింగ్ ఘటన హైదరాబాద్‌లో చోటుచేసుకుంది. కారును వెనక్కి తీస్తూ అమాంతం పిల్లలపైకి దూసుకెళ్లడంతో ఒకరి పరిస్థితి విషమంగా ఉంది. పాతబస్తీలో జరిగిన ఈ కారు ప్రమాదం సోషల్ మీడియాలో వైరల్ గా మారింది. దుబాయ్ నుంచి ఇటీవలే నగరానికి వచ్చిన మహిళ తన కారును రివర్స్ చేస్తున్నారు. ఆ సమయంలో ఒక్కసారిగా యాక్సిలరేటర్ బలంగా తొక్కడంతో కారు అదుపుతప్పి వెనక్కి దూసుకెళ్లింది. అదే సమయంలో ఇద్దరు చిన్నారులు ఇంటి బయట ఆడుకుంటున్నారు. ఒక్కసారి కారు బలంగా వచ్చి ఢీకొనడంతో రెండేళ్ల బాలుడి పరిస్థితి విషమంగా మారింది. బాలుడికి తీవ్ర గాయాలు కావడంతో స్థానికంగా ఉన్న ప్రైవేట్ హాస్పిటల్‌కి తరలించారు. ఈ ఘటన సీసీ కెమెరాలో రికార్డ్ అయ్యింది. ఈ వీడియో కాస్త సోషల్ మీడియాలో పోస్ట్ చేయడంతో అది వైరల్ గా మారింది. మరోవైపు కారు నడిపిన మహిళపై పోలీసులు కేసు నమోదు చేసి విచారణ చేపట్టినట్లు సమాచారం. పూర్తి వివరాలు తెలియాల్సి ఉంది. Also Read:
By December 18, 2020 at 11:41AM
No comments