మాధవీలత సోలో పెర్ఫార్మెన్స్.. రెడీ అవుతోన్న ‘లేడీ’
![](https://blogger.googleusercontent.com/img/b/R29vZ2xl/AVvXsEiznnF_dSNJNvA7yvMGlS2F8Mp5p3q7_b2yjJ-12wu0tJ_HB8Frugro8tY7agbK2o40802tzyVnkF7SLEmUEF0SRc3h4PFPyKfHtXXVQw_fa3WMWAne87UyT4uozsGJ74M24g_TnYYg4Wc/s320/Movie.jpg)
![](https://telugu.samayam.com/photo/79591809/photo-79591809.jpg)
హీరోయిన్ వెండితెరపై కనిపించి చాలా కాలమే అయ్యింది. ప్రస్తుతం ఆమె సినీ నటిగా కన్నా రాజకీయ నాయకురాలిగా ఎక్కువగా వార్తల్లో నిలుస్తున్నారు. బీజేపీలో చేరిన తరవాత మాధవీలత సోషల్ మీడియాలో బాగా యాక్టివ్ అయ్యారు. అయితే, చాలా కాలం తరవాత మాధవీలత ఒక సినిమాను అంగీకరించిన విషయం తెలిసిందే. ‘లేడీ’ అనే సినిమాలో మాధవీలత నటించారు. సోలో పెర్ఫార్మన్స్లో మోనో ప్లే పద్ధతిని అనుసరించి జీఎస్ఎస్ఎస్పి కళ్యాణ్ డైరెక్షన్లో ఈ సినిమా రూపొందుతోంది. ‘లేడీ’ మూవీ షూటింగ్ కార్యక్రమాలు పూర్తిచేసుకుంది. ఈ మోనో ప్లే ఎక్సపెరిమెంటల్ మూవీని చరణ్స్ క్రియేషన్స్, జీఎస్ఎస్ఎస్పీకే స్టూడియోజ్ బ్యానర్లపై సత్యనారాయణ గొరిపర్తి, జీఎస్ఎస్ఎస్పి కళ్యాణ్ సంయుక్తంగా నిర్మిస్తున్నారు. Also Read: షూటింగ్ పూర్తయిన సందర్భంగా నిర్మాత, దర్శకుడు జీఎస్ఎస్పి కళ్యాణ్ మాట్లాడుతూ.. ‘‘ఒకే ఒక క్యారెక్టర్తో ఈ సినిమా తెరకెక్కిస్తున్నాం. సినిమా ఆద్యంతం సస్పెన్స్గా థ్రిల్ కలిగిస్తుంది. ప్రతి ఎపిసోడ్లో ప్రేక్షకుడు తనని తాను చూసుకుంటాడు. ఎమోషనల్గా తీర్చిదిద్దాం. మాదవీలత ఈ పాత్రని అంగీకరించడంతో అంచనాలు పెరిగాయి. చాలా గ్యాప్ తరువాత సినిమాలో నటించడం విశేషం. ఏ ఆశ లేకుండా ఈ లోకంలోకి కళ్ళు తెరిచి వచ్చిన మనిషి తన చుట్టూ అల్లుకుపోయిన భావోద్వేగాలు, ప్రేమలు, ద్వేషాలు, కపటనాటకాలు, స్వార్థం కళ్ళల్లో కనిపించనివ్వకుండా మనసులోని దాచుకునే స్వభావాలు.. కళ్ళు మూసిన వెంటనే కార్చే కన్నీళ్ళు ఇదే జీవితం అని తెలుసుకున్న ఓ అబల కథ ఇది. వాస్తవ సంఘటనల నుండి ఈ కథను తయారు చేశాను. అంతే అద్భుతంగా తెరకెక్కించాను. అందర్ని ఆకట్టుకోవటమే కాదు గుండెలు బరువెక్కేలా ఈ చిత్ర కథనం ఉండబోతుంది. ఇలాంటి మంచి చిత్రం తీసినందుకు దర్శకుడిగా నేను గర్వపడుతున్నాను. ఈ చిత్రం షూటింగ్ పూర్తయ్యింది. త్వరలోనే పాటలు విడుదల చేసి సినిమాను 2021లో విడుదల చేయటానికి సన్నాహలు చేస్తున్నాను’’ అని అన్నారు. కాగా, ఈ సినిమాకు కథ, డైలాగ్స్, స్క్రీన్ ప్లే, డైరెక్షన్, సినిమాటోగ్రఫీ, ఎడిటింగ్, విఎఫ్ఎక్స్, డీఐ, పబ్లిసిటీ డిజైన్ అన్నీ జీఎస్ఎస్ఎస్పీ కళ్యాణ్ అందించడం విశేషం. వినోద్ యాజమాన్య సంగీతం సమకూర్చారు. వేణు కార్తికేయన్ ఎగ్జిక్యూటివ్ ప్రొడ్యూసర్.
By December 06, 2020 at 03:32PM
No comments