భారత్‌లో టీకా స్ట్రాటజీపై కొత్త కరోనా ప్రభావం చూపుతుందా? నిపుణులు ఏమంటున్నారు?
బ్రిటన్‌లో కొత్తరకం వ్యాప్తితో ప్రపంచం మరింత ఆందోళనకు గురవుతోంది. ఈ కొత్త కరోనా ప్రస్తుత జన్యువు కంటే 70 శాతం వేగంగా వ్యాపిస్తున్నట్టు నిపుణులు పేర్కొంటున్నారు. బ్రిటన్‌లో వైరస్ వ్యాప్తితో భారత్ అప్రమత్తమయ్యింది. బ్రిటన్ నుంచి వచ్చే అన్ని విమానాలపై తాత్కాలిక నిషేధం విధించింది. అయితే, కొత్త కరోనా భారత్‌లో టీకా వ్యూహాన్ని ప్రభావితం చేసే అవకాశం లేదని, ఎందుకంటే అభివృద్ధి చేసిన వ్యాక్సిన్ షాట్లు కొత్త స్ట్రెయిన్, రీ-ఇన్ఫెక్షన్కు సమర్ధవంతంగా పనిచేస్తాయని నిపుణులు భావిస్తున్నారు. ఒకవేళ అది జరిగితే, స్వల్పంగా ప్రభావం ఉంటుదని పేర్కొంటున్నారు. భారత్ రెగ్యులేటరీ పరిశీలనలో ఉన్న టీకాలలో స్పైక్ ప్రోటీన్‌తో పాటు ఇతర విభాగాలకు చెందినవి ఉన్నాయి.. ప్రత్యేకమైన జాతికి సంబంధించిన ఈ టీకాలు తమ సామర్థ్యాన్ని చూపుతాయని అంటున్నారు. కొత్తరకం కరోనా స్ట్రెయిన్ వ్యాప్తి ప్రారంభమైనప్పటికీ వైరస్‌ల ఉత్పరివర్తనాలు సాధారణమని, తప్పనిసరిగా మాస్క్‌లు ధరించడం, భౌతికదూరం, చేతుల పరిశుభ్రం చేసుకోవడం వంటి నిబంధనలు కొనసాగించాలని అంటువ్యాధుల నిపుణులు సూచిస్తున్నారు. ‘ప్రస్తుతం ఆందోళన చెందడానికి ఎటువంటి కారణం లేదు.. ప్రతి వైరస్ దాని జన్యు వైవిధ్యాన్ని చూపుతుంది.. ఈ వైరస్ చాలా తక్కువ మ్యుటేషన్ రేటును కలిగి ఉంది’అని ప్రముఖ ఎపిడెమియాలజిస్ట్, ఐసీఎంఆర్ హెడ్ సైంటిస్ట్ డాక్టర్ రామన్ గంగాఖేద్కర్ అన్నారు. యూకే కన్సార్టియం నివేదిక ప్రకారం.. కొంతవరకు అసాధారణమై జన్యు వైవిధ్యం B.1.1.7 దీర్ఘకాలికంగా సోకిన వ్యక్తితో వైరస్ పరిణామం నుంచి సంభవించి ఉండవచ్చు. ‘ఇటువంటి వైరస్‌ల వ్యాప్తి చాలా అరుదుగా ఉన్నప్పటికీ, పెద్ద సంఖ్యలో వ్యాప్తి కొనసాగుతున్న కొత్త స్ట్రెయిన్ వల్ల అసంభవం కాదు’ అని నివేదిక తెలిపింది. మ్యుటేషన్ భారతదేశంలోనూ ప్రస్తుతం ఉండవచ్చు.. దీనిని గుర్తించడానికి పరీక్షలు అవసరమని నిపుణులు తెలిపారు. ఉత్పరివర్తనం చెందిన వైరస్ 1.7 రెట్లు ఎక్కువ ఇన్ఫెక్షన్కు గురిచేస్తుందని ఇండియన్ అసోసియేషన్ ఆఫ్ ప్రివెంటివ్ అండ్ సోషల్ మెడిసిన్ ప్రొఫెసర్ డాక్టర్ సునీల్ గార్గ్ అన్నారు. దీని వల్ల ఇప్పటికే కొత్తరకం వైరస్ బారినపడ్డవారి గురించి తెలుస్తుంది.. కానీ, దీని లక్షణాలు స్వల్పంగా ఉంటాయని ఆమె అన్నారు. వైరస్ మ్యుటేషన్ ప్రభావం టీకా అభివృద్ధిపై ఉండదని ఆమే పేర్కొన్నారు.
By December 22, 2020 at 10:11AM
No comments