ఆకాశంలో రజినీ బర్త్‌డే వేడుకలు.. సూపర్‌స్టారా మజాకా!
సూపర్ స్టార్ 70వ వసంతంలోకి అడుగుపెట్టిన సంగతి తెలిసిందే. డిసెంబర్ 12న ఆయన పుట్టినరోజు సందర్భంగా తమిళనాడులో అభిమానులు హంగామా చేశారు. సూపర్‌స్టార్ బర్త్‌డే సందర్భంగా అనేక చోట్ల కేకులు కట్ చేసి సంబరాలు జరుపుకున్నారు. అయితే ఆ రోజు పార్టీ పనుల నిమిత్తం రజినీ ఢిల్లీ ఉండటంతో ఇంట్లోనే బర్త్‌డే సెలబ్రేషన్స్ చేసుకోలేకపోయారు. దీంతో రజినీకాంత్ వెరైటీగా విమానంలో పుట్టినరోజు వేడుకలు జరుపుకున్నారు. ‘అన్నాత్తై’ షూటింగ్ నిమిత్తం రజినీకాంత్ తన యూనిట్‌తో కలిసి ఆదివారం చెన్నై నుంచి హైదరాబాద్‌ చేరుకున్నారు. ఈ సందర్భంగా విమానం ఆకాశంలో కొన్నివేల అడుగులపైన ప్రయాణిస్తున్న సమయంలో రజినీ కేక్ కట్ చేశారు. ఈ వేడుకల్లో రజినీ కుమార్తె ఐశ్వర్య ధనుష్, హీరోయిన్ నయనతారతో పాటు యూనిట్ సభ్యులు పాల్గొన్నారు. దీనికి సంబంధించిన వీడియో ప్రస్తుతం వైరల్‌గా మారింది.
By December 14, 2020 at 11:02AM
No comments